23.11.2024 | 10:02
Տիգրան Ավինյանի գլխավորած պաշտոնական պատվիրակությունը մեկնել է ԱՄՆ
ԱՄՆ-ում դեֆոլտ չի լինի․ Բայդենն ու Մաքքարթին համաձայնության են եկել
Քաղաքականություն
29.05.2023 | 12:21
ԱՄՆ նախագահ Ջո Բայդենը և Ներկայացուցիչների պալատի նախագահ Քևին Մաքքարթին համաձայնության են եկել վերջնական համաձայնագրի շուրջ, որով բարձրացվում է երկրի պետական պարտքի վերին շեմը։ Reuters-ի փոխանցմամբ՝ փաստաթուղթը մինչև 2025 թվականի հունվարի 1-ը կբարձրացնի պետական պարտքի վերին շեմը, որը ներկայում կազմում է մոտ 31,4 տրիլիոն դոլար:
ԱՄՆ նախագահի խոսքով՝ 99 էջանոց փաստաթղթի վերջնական տեքստում հաշվի կառնվեն առաջնահերթություններն ու ձեռքբերումները, կմերժվեն վետերանների, տարեցների և անապահով ընտանիքների աջակցությունը նվազեցնելու պահանջները, ինչպես նաև աջակցություն կստանան Բայդենի և ԱՄՆ փոխնախագահ Քամալա Հարիսի կողմից առաջ քաշված «ուսանողական վարկերի» միջոցով պարտքերի մարման նախաձեռնությունը։
«Այս գործարքը լավ նորություն է ամերիկյան ժողովրդի համար», – ասել է Սպիտակ տան ղեկավարը հանգստյան օրերին ընթացած բանակցություններից հետո։ Մաքքարթիի խոսքով՝ ԱՄՆ-ի բյուջեում ծախսերն առայժմ կկրճատվեն։ Որպեսզի համաձայնագիրը ուժի մեջ մտնի, փաստաթուղթը պետք է հաստատվի ԱՄՆ Կոնգրեսի երկու պալատների կողմից, և դա պետք է տեղի ունենա մինչև հունիսի 5-ը, երբ երկրի ֆինանսների նախարարությունը, ենթադրաբար, կարող է հայտարարել ներդրողների հանդեպ իր պարտավորությունները կատարելու համար փողի պակասի մասին:
