16.09.2026 | 00:14
Կռվախնձոր դարձած դուռն ու արտահերթ ընտրությունների նախերգանքը․ Գյումրիի ավագանու նիստը լարվեց. ՏԵՍԱՆՅՈՒԹ
Զելենսկին առաջարկել է 50 տարով պատժամիջոցներ կիրառել Իրանի դեմ
Քաղաքականություն
29.05.2023 | 11:55
Ուկրաինայի նախագահ Վլադիմիր Զելենսկին օրինագիծ է ներկայացրել, որը Կիևի կողմից 50 տարի ժամկետով պատժամիջոցներ է սահմանում Իրանի դեմ։ Այս մասին հայտարարել է Ուկրաինայի նախագահի աշխատակազմի ղեկավար Անդրեյ Երմակը, փոխանցում է VOA-ն։
Փաստաթղթի հիմնավորման մեջ նշվում է, որ դա պայմանավորված է Թեհրանի կողմից Մոսկվային զենքի մատակարարումներով, այդ թվում՝ հարյուրավոր անօդաչու թռչող սարքերի։ Եթե օրինագիծն ընդունվի Ուկրաինայի խորհրդարանի կողմից, Կիևը կդադարեցնի իրանական ապրանքների տարանցումը և Թեհրանի դեմ առևտրային, ֆինանսական և տեխնոլոգիական պատժամիջոցներ կսահմանի։
Հավելենք, որ կիրակի օրը Կիևը հայտարարել էր, որ Ռուսաստանը պատերազմի ողջ ընթացքում անոօդաչուներով ամենազանգվածային հարձակումն է իրականացրել՝ օգտագործելով իրանական արտադրության 54 անօդաչու թռչող սարք։ Ըստ ուկրաինացի պաշտոնյաների՝ դրանցից 52-ը խոցվել է։ Գրոհի հետևանքով զոհվել է երկու մարդ, վիրավորվել ՝ 3-ը։
