«Մի վնասիր. ազնվություն՝ տեղեկատվություն հաղորդելիս». լրագրողները՝ ժամանակակից մեդիայի մարտահրավերների մասին

Լուրեր

15.11.2026 | 22:05
Եղիշե Մելիքյանն ամփոփել է Ազգերի լիգայի վերջին խաղը. ՏԵՍԱՆՅՈՒԹ
15.11.2026 | 21:49
Փաշինյանը Կամբոջայում մասնակցել է Ֆրանկոֆոնիայի գագաթնաժողովի մասնակիցների պատվին տրված ընթրիքին
15.11.2026 | 20:27
Էստոնիան դեկտեմբերի 1-ից կփակի Ռուսաստանի հետ սահմանային բոլոր անցակետերը
15.11.2026 | 20:00
Թանկ շենքեր, էժանագին կառավարում․ ո՞ւր են գնում բնակիչների փողերը․ ՏԵՍԱՆՅՈւԹ
15.11.2026 | 19:53
Ազգերի լիգա. Հայաստանի հավաքականը ոչ-ոքիով ավարտեց պայքարը
15.11.2026 | 19:45
Nvidia-ի նախկին ղեկավար Ջենսեն Հուանգը սկանդալի հետևանքով կորցրել է 62 միլիարդ դոլար
15.11.2026 | 19:16
Փաշինյանը Կամբոջայում այցելել է Ֆրանկոֆոնիայի ավանում բացված Հայաստանի տաղավար
15.11.2026 | 18:56
Սևանում սիգի որսի արգելքի խախտման համար նախատեսված է վարչական և քրեական պատասխանատվություն
15.11.2026 | 17:56
Փաշինյանը Ֆրանկոֆոնիայի գագաթնաժողովում խոսել է հայ-ադրբեջանական խաղաղության գործընթացից
15.11.2026 | 17:19
Փաշինյանն ու Մոլդովայի վարչապետը քննարկել են Երևան-Քիշնև ուղիղ ավիաչվերթների կազմակերպման հարցը
15.11.2026 | 17:03
Էդգար Սևիկյանը լքել է Հայաստանի հավաքականի ճամբարը և հանդիպման է մասնակցում «Սուետայի» կազմում
15.11.2026 | 16:47
Ազգերի լիգա. Հայաստանի հավաքականի մեկնարկային կազմը Լատվիայի դեմ խաղում
15.11.2026 | 16:36
Դատավորների նկատմամբ քրեական հետապնդում է հարուցվել
15.11.2026 | 16:16
Նոյեմբերի 20-ից Սևանա լճում կարգելվի սիգի արդյունագործական որսը
15.11.2026 | 15:23
ՀՀ ԱԳՆ-ն շնորհավորել է Պաղեստինին Անկախության օրվա առթիվ․ արձագանքել է նաև Իրանի դեսպանությունը
Բոլորը

Ինչպե՞ս են լրատվամիջոցները ձևավորում պատմությունները, ինչպե՞ս է այն ընկալում հասարակությունը,  և որո՞նք են այն էթիկական նորմերը, որոնցով առաջնորդվում է մեդիա ոլորտը: «EVN Report մեդիա փառատոն»-ի շրջանակներում «Մի վնասիր. ազնվություն՝ տեղեկատվություն հաղորդելիս» խորագրով պանելային քննարկման ընթացքում տեղացի և օտարերկրացի լրատվամիջոցների ներկայացուցիչներ կիսվեցին իրենց փորձով և խոսեցին այն մարտահրավերների մասին, որոնց այսօր բախվում է մեդիան: 

Factor TV-ի գործադիր տնօրեն Արևիկ Սահակյանի խոսքով՝ վերջին տարիներին էթիկական նորմերի պահպանման և չվնասելու սկզբունքի խնդիրներին լրագրողները բախվում են ամենօրյա ռեժիմով. Հայաստանը գտնվում է անսպասելի զարգացումներով և ցնցումներով լի փուլում, իսկ ամենօրյա աշխատանքում լրագրողները ստիպված են լինում շատ արագ որոշումներ կայացնել, որպեսզի հեռուստադիտողն առավելագույնս իրազեկված լինի և միաժամանակ  պահպանվի  չվնասելու սկզբունքը:

«Կան էթիկական կանոնակարգեր, կա բարեվարքության սկզբունքների ներքին կանոնակարգ, սակայն հաճախ լինում են իրավիճակներ, երբ սահմանը շատ ճկուն է, և կարևոր է, որպեսզի լրագրողն ինքն այդ բոլոր սկզբունքները և արժեքները ընկալի որպես անխախտելի: Կարծում եմ, որ հայկական մեդիադաշտում մենք կարիք ունենք կարգավորումների, նման միջոցառումների, խոսելու, քննարկելու և ավելի հղկելու մեր մոտեցումները, թե ինչ պետք է անել, ինչպես պետք է աշխատել՝ հատկապես ճգնաժամային իրավիճակներում, երբ  «մի վնասիր» սկզբունքին հետևելը երբեմն լինում է դժվար»,- ասաց Արևիկ Սահակյանը: 

Մեդիամաքսի գլխավոր խմբագիր Դավիթ Ալավերդյանը, որը նաև էթիկայի դիտորդ մարմնի անդամ է, նշում է, որ ներկայումս զբաղված են պետության հետ միասին ինքնակարգավորման վերաբերյալ հայեցակարգի մշակմամբ: Նրա խոսքով՝ կարևոր է նաև հասարակության մասնակցությունը ինքնակարգավորման գործընթացին: 

««Մի վնասիրը» կարևոր է, պարզապես մենք պետք է հասնենք նրան, որպեսզի այդ «մի վնասիր» սկզբունքի մեկնաբանությունը ևս միասնական լինի: Իմ պատկերացմամաբ՝ մենք չպետք է վնասենք հասարակությանը, չպետք է վնասենք պետական շահերին, բայց գալիս ենք այդ հարցին՝ ինչ է հասարակության և պետության շահը, յուրաքանչյուրը դա կարող է ևս յուրովի մեկնաբանել»,- ասաց Ալավերդյանը:  

«Բարեվարքությունը ուղղակիորեն կապված է արժեքային համակարգի հետ». պանելային քննարկման ընթացքում նշեց Հանրային լրագրության ակումբի նախագահ Սեդա Մուրադյանը: Նրա խոսքով՝ մի հասարակությունում, որտեղ դատաիրավական համակարգը ունի բարեվարքության հետ կապված լրջագույն խնդիրներ, և կան թափանցիկության, ազնվության, հաշվետվողականության պակաս և համակարգային խնդիրներ, մեդիան ևս չի կարող զերծ մնալ այդ բոլոր խնդիրներից: 

«Մենք այսօր անհրաժեշտություն ունենք ստեղծել դիմակայություն հենց էթիկական նորմերի խախտման նկատմամբ: Սա կապ ունի արժեքային համակարգի հետ, սա հմտություն չէ, այլ ապրելակերպ և ապրելու հետ կապված սկզբունքներ»,- ասաց Մուրադյանը:  

Լրագրողական էթիկայի մասնագետ Թոմ Քենթը, ամփոփելով քննարկումը, նշեց. «Երբ լրագրողները թափանցիկ են իրենց աշխատանքում, սկզբունքներում  և էթիկական կանոնակարգերում, ապա այն խթանում է թափանցիկությունն ընդհանրապես մեդիա աշխարհում»: 

Հիշեցնենք, որ  «EVN Report մեդիա փառատոն»-ն արդեն երկրորդ տարին է՝ անցկացվում է Հայաստանում: Այն Երևանում է համախմբել  տեղական և միջազգային լրատվամիջոցների ներկայացուցիչներին` կիսվելու իրենց փորձով և հմտություններով, ընդգծելու լրագրության դերը հասարակության ընկալումների ձևավորման հարցում։  

Անի Թամրազյան

Լուսանկարները՝ EVN report-ի ֆեյսբուքյան էջից