19.02.2026 | 11:53
Ոչ մի ճանապարհ չի կարող փոխարինել Վրաստանի եզակի ռազմավարական դերին. Թբիլիսին՝ ՀՀ-Ադրբեջան ճանապարհային նախագծերի մասին
Ադրբեջանի դեսպանը հույս է հայտնել, որ Ալիևն ու Փաշինյանը հունիսի 1-ին կարող են Քիշնևում խաղաղության համաձայնագիր ստորագրել
Քաղաքականություն
26.05.2023 | 15:44
Ադրբեջանի նախագահ Իլհամ Ալիևը և Հայաստանի վարչապետ Նիկոլ Փաշինյանը կարող են հունիսի 1-ին Մոլդովայում Եվրոպական քաղաքական համայնքի գագաթնաժողովի ժամանակ ստորագրել Ղարաբաղի վերաբերյալ խաղաղության համաձայնագիր։ Այս մասին հայտնում է Reuters-ը՝ հղում անելով Ֆրանսիայում Ադրբեջանի դեսպան Լեյլա Աբդուլաևային։
«Մենք հուսով ենք, որ հունիսի 1-ին Քիշնևում վերջապես խաղաղության պայմանագիր կստորագրվի: Սա պատմական պահ է, որը չպետք է բաց թողնել»,- ասել է Աբդուլաևան։
Նշենք, որ գագաթնաժողովի շրջանակում Փաշինյանը և Ալիևը կհանդիպեն Ֆրանսիայի նախագահ Էմանուել Մակրոնի և Գերմանիայի կանցլեր Օլաֆ Շոլցի հետ։
ՀՀ ԱԳՆ-ն դեռ չի արձագանքել այս տեղեկությունը ճշտելու՝ Factor.am-ի հարցմանը։
Տաթև Ֆռանգյան
