07.10.2026 | 23:48
Արթուր Դանիելյանը կալանավորվեց
ՆԱՏՕ-ի գլխավոր քարտուղարի ներկայացուցիչը Բաքվում քննարկել է ՀՀ-ի հետ խաղաղության գործընթացը
Քաղաքականություն
26.05.2023 | 15:10
ՆԱՏՕ-ի գլխավոր քարտուղարի Հարավային Կովկասում և Կենտրոնական Ասիայում հատուկ ներկայացուցիչ Խավիեր Կոլոմինան այցով Բաքվում է, որտեղ մի շարք հանդիպումներ է անցկացրել։
«Լավ հանդիպումներ Բաքվում ԱԳ նախարար Ջեյհուն Բայրամովի և նախագահի օգնական Հիքմեթ Հաջիևի հետ։ Քննարկվել է ՆԱՏՕ-Ադրբեջան երկկողմ համագործակցությունը, Ադրբեջանի դերը էներգետիկ անվտանգության ոլորտում և վերջին բանակցություններից հետո խաղաղության գործընթացի իրավիճակը։ ՆԱՏՕ-ն աջակցում է Հայաստանի և Ադրբեջանի միջև հարաբերությունների կարգավորմանը»,- ասվում է Կոլոմինայի թվիթերյան գրառման մեջ։
Հավելենք, որ ադրբեջանական կողմը հանդիպումների վերաբերյալ տեղեկություն չի հաղորդում։
Բաքու այցից առաջ ՆԱՏՕ-ի գլխավոր քարտուղարի հատուկ ներկայացուցիչը Երևանում էր։ Այստեղ նա հանդիպել էր ՀՀ վարչապետ Նիկոլ Փաշինյանին, ԱԳ նախարար Արարատ Միրզոյանին և ԱԽ քարտուղար Արմեն Գրիգորյանին։
Էմմա Չոբանյան
