16.09.2026 | 00:14
Կռվախնձոր դարձած դուռն ու արտահերթ ընտրությունների նախերգանքը․ Գյումրիի ավագանու նիստը լարվեց. ՏԵՍԱՆՅՈՒԹ
Ղազախստանը մտադիր չէ միանալ Միութենական պետությանը. Տոկաևի մամուլի քարտուղար
Քաղաքականություն
26.05.2023 | 14:59
Ղազախստանը մտադիր չէ անդամակցել որևէ Միութենական պետության, իսկ ԵՏՄ-ում ինտեգրումը պետք է լինի բացառապես տնտեսական։ Այսպես է մեկնաբանել հանրապետության նախագահի մամուլի քարտուղար Ռուսլան Ժելդիբայը մայիսի 24-ին Մոսկվայում Եվրասիական տնտեսական համաժողովում պետության ղեկավար Կասիմ-Ժոմարտ Տոկաևի հայտարարությունները, գրում է Կոմերսանտը։
«Միջոցառման ընթացքում նախագահը մի շարք հայտարարություններ արեց, որոնք այսօր լայնորեն քննարկվում են փորձագիտական հանրության կողմից։ Այս առումով ուզում եմ նշել, որ պետության ղեկավարի առանցքային ուղերձն այն էր, որ ԵՏՄ շրջանակում ինտեգրումը կարող է և պետք է ընթանա բացառապես տնտեսական հունով։ Դրանից դուրս գալը խախտում է կազմակերպության կանոնադրական փաստաթղթերի նպատակները, սկզբունքներն ու խնդիրները»,- գրել է Ժելդիբայը Facebook-ում:
Ռուսլան Ժելդիբայը նաև ուշադրություն է հրավիրել Տոկաևի այն հայտարարության վրա, որում նա ընդգծել է, որ տնտեսական ինտեգրումը ԵՏՄ երկրների տնտեսության զարգացման և քաղաքացիների բարեկեցության բարձրացման առանցքային գործիքներից է, այլ ոչ թե վերջնական նպատակը։
Տաթև Ֆռանգյան
