Ուզում են Հայաստանը հանձնել ցեղասպանին․ պետական մարմինները պետք է գործեն․ Րաֆֆի Հովհաննիսյան. ՏԵՍԱՆՅՈՒԹ

«Ապրում ենք աննախադեպ վայրէջք, մեր պետականությունը կորցնելու իրական հնարավորություն՝ մեր իսկ ձեռքով»,-այս մասին այսօր՝ մայիսի 26-ին, մամուլի ասուլիսի ժամանակ հայտարարեց «Ժառանգություն» կուսակցության ղեկավար Րաֆֆի Հովհաննիսյանը:

«Եթե միասին որևէ բան չփոխենք, ապա գնում ենք մեր երկիրը հանձնելու ցեղասպանության ընթացիկ կազմակերպվող ծրագրին» ,- ընդգծեց Հովհաննիսյանը։

«Նիկոլ Փաշինյանն արդեն բացեիբաց խոստովանում է իր հանցակցությունը, որ ինքը գիտակցաբար հանձնում է պետական, ինքնիշխան տարածքներ, գիտակցաբար պատճառում է հազարավոր մահեր՝ զինվորներ, քաղաքացիներ, որ գիտակցաբար դրժում է պետությանը տված իր երդումը և բազմաթիվ դրվագներով խախտում Սահմանադրությունը․․․

Փաշինյանը, որ ինչ-որ ժամանակ ընտրվել է ժողովրդի կողմից, սակայն արդեն կորցրել է իր բովանդակային լեգիտիմությունը՝ իր վարքով, բարքով և խոստովանությամբ։ Չունի շնորհը, տղամարդկությունը, հայկականությունը, արժանապատվությունը՝ կամովին հեռանալու համար:
Պետական մարմինները քայլ չեն կատարում: Այդ մարմինների ներսում կան լավ սպաներ, բայց որևէ ձա՞յն կա՞, թե գնում ենք կործանման, գահավիժման․․․

Պետական, ազգային, քաղաքացիական դավաճանություն է գնում․․․

Այս վիճակի կրողը, հեղինակը դարձել է ազգային չարիք․․․, և առոչինչ է դարձնում հայաստանը, մեր իրավունքը, մեր շահը, մեր պատմությունը, մեր եկեղեցին, մեր հեռանկարը, բոլոր կուսակցություններին․․․

Պատերազմ է գալու. Խաղաղության պայմանագիր կոչես, թե ինչ, այս մարդը տալու է ամեն ինչ, բերելու է պատերազմ, իսկ մենք ի՞նչ ենք անում պատերազմի ժամանակ պաշտպանվելու համար: Պետական մարմինները ի՞նչ սթափություն, ի՞նչ կազմակերպվածություն են բերում ժողովրդին՝ մեզ պատրաստելու այդ արհավիրքին»,-նշեց «Ժառանգության» առաջնորդը։

«Ուզում են Հայաստանը դարձնել հաշմանդամ, կոնքային պետություն՝ այն հանձնելով զեղասպանող թշնամիներին: Եվ դա անելով՝ այդ առոչինչ անձը նույնպես դառնում է հանցակից ցեղասպանող թշնամիներին»,- նշեց Հովհաննիսյանը՝ ընդգծելով,  որ պետական մարմինները պետք է քայլ կատարեն՝ սահմանադրական կարգը վերականգնելու համար։

Մանրամասները՝ տեսանյութում։