24.11.2024 | 21:56
Միակն ու անկրկնելին. ՀՀ-ում Ֆրանսիայի դեսպանի արձագանքը՝ Ադրբեջանի տարածքային պահանջներին
ՌԴ-ում առաջին վարչական գործն է հարուցվել Meduza-ի հոդվածը վերահրապարակելու համար
Քաղաքականություն
26.05.2023 | 14:19
Ռուսաստանում Meduza անկախ հրատարակության նյութերը վերահրապարակելու համար (ճանաչված է որպես «օտարերկրյա գործակալ» և Ռուսաստանում հայտարարված «անցանկալի կազմակերպություն») առաջին վարչական գործն է բացել «Էխո Պետերբուրգ» ռադիոկայանի նախկին գլխավոր խմբագիր Վալերի Նեչաևի դեմ։ Գործը հարուցվել է ՌԴ Վարչական իրավախախտումների վերաբերյալ օրենսգրքի 20.33 հոդվածով՝ «անցանկալի» կազմակերպության գործունեությանը մասնակցելու մասին։ Այս մասին հայտնել է «Առաջին վարչություն» իրավապաշտպան նախագիծը, գրում է BBC-ի ռուսական ծառայությունը։
«Առաջին վարչության» իրավաբանների տրամադրության տակ գտնվող նամակից հետևում է, որ Սանկտ Պետերբուրգի Ադմիրալտեյսկի շրջանի դատախազությունը քաղաքային դատախազությունից ստուգող նյութեր է ստացել՝ «Ռուսաստանի Դաշնության տարածքում անցանկալի ճանաչված կազմակերպության տեղեկատվական նյութերի տարածման փաստը»։
Վալերի Նեչայը հրավիրվել է դատախազություն՝ այս փաստաթղթի պատճենը հանձնելու համար։ Նեչայն ասել է, որ չգիտի, թե որ վերահրապարակումներն են հետապնդումների հիմք դարձել, և «ահռելի հարգանք» է հայտնել հրատարակության հիմնադիրներին։
Տաթև Ֆռանգյան
