14.08.2026 | 23:22
Հուլիսին Ուկրաինայում զոհվել է առնվազն 437 խաղաղ բնակիչ՝ ամենաբարձր ցուցանիշը 2022-ից ի վեր. ՄԱԿ
Ուկրաինան հնարավորություն ունի վերականգնել 1991 թվականի սահմանները․ ԱՄՆ Պետքարտուղարություն
Քաղաքականություն
26.05.2023 | 13:05
Ուկրաինան իրավունք և բոլոր հնարավորություններն ունի՝ ազատագրելու Ռուսաստանի կողմից ժամանակավոր օկուպացված տարածքները, ինչպես նաև վերականգնելու սեփական սահմանները, որոնք ճանաչվել են միջազգային մակարդակով 1991 թվականին։ Այս մասին Վաշինգտոնում տեղի ունեցած ճեպազրույցում հայտարարել է ԱՄՆ Պետքարտուղարության պաշտոնական ներկայացուցիչ Մեթյու Միլլերը, գրում է Korrespondent-ը։
Ամերիկացի պաշտոնյան այսպես է պատասխանել հարցին՝ արդյո՞ք ԱՄՆ-ի օգնությունն ուղղված է «Ուկրաինայի 1991 թվականի սահմանների վերականգնմանը»։
«Մենք հավատում ենք, որ Ուկրաինան ունի հնարավորություն և իրավունք, և մենք աջակցում ենք Ուկրաինային իր ինքնիշխանությունն ու տարածքային ամբողջականությունը պաշտպանելու հարցում»,- ընդգծել է նա։
Միլլերը բացատրել է, որ նկատի ունի Ուկրաինայի ժամանակավոր օկուպացված տարածքների, այդ թվում՝ Ղրիմի ազատագրումը։
Մեթյու Միլլերը նաև հայտարարել է, որ ԱՄՆ-ը դատապարտում է Ռուսաստանի Դաշնության և Բելառուսի Հանրապետության միջև համաձայնագրերը Բելառուսի տարածքում ռուսական մարտավարական միջուկային զենքի տեղակայման մասին։
Տաթև Ֆռանգյան
