11.01.2025 | 20:13
Կրակը Գլենդելից հեռու է. քաղաքապետը մանրամասներ է ներկայացրել
Ճապոնիան նոր մասշտաբային պատժամիջոցներ է սահմանում Ռուսաստանի դեմ
Քաղաքականություն
26.05.2023 | 13:33
Ճապոնիան հայտարարել է Ռուսաստանի դեմ նոր պատժամիջոցներ սահմանելու մասին՝ Ուկրաինա ներխուժելու պատճառով։ Դրանք ուղղված են Ռուսաստանի ռազմական, շինարարական և ինժեներական ոլորտներին, գրում է BBC-ի ռուսական ծառայությունը։
Ճապոնիայի նախարարների կաբինետի գլխավոր քարտուղար Հիրոկաձու Մացունոն հայտարարել է, որ նոր պատժամիջոցները ներառում են ռուս անհատների և խմբերի ակտիվների սառեցում, ապրանքների մատակարարման արգելք ռուսական ռազմական կազմակերպություններին, ինչպես նաև շինարարական և ինժեներական ծառայությունների արտահանման արգելք դեպի Ռուսաստան։
Ճապոնիայի կառավարությունը պատժամիջոցների նոր փաթեթում ընդգրկել է 17 ֆիզիկական անձի և 78 կազմակերպության, որոնք կավելացվեն ակտիվների սառեցման ենթակա անձանց ցուցակում։ Նրանց թվում են «Արևմուտք» ուժերի խմբավորման շտաբի պետ, գեներալ-լեյտենանտ Միխայիլ Զուսկոն, օդադեսանտային զորքերի հրամանատար Միխայիլ Տեպլինսկին, ռազմավարական նշանակության հրթիռային զորքերի հրամանատար Սերգեյ Կարակաևը։
G7-ի գագաթնաժողովից հետո Ճապոնիան հայտարարել էր նոր պատժամիջոցների կիրառման մասին 100 ֆիզիկական անձանց և կազմակերպությունների դեմ, որոնք փորձում են խուսափել գործող պատժամիջոցներից։ Նրանց ակտիվները սառեցվելու են։
Տոկիոն սահմանափակում է նաև 80 ռուսական ռազմական կազմակերպություններին արտահանումը, որոնց թվում են մեքենաշինական գործարանները։
Էմմա Չոբանյան
