16.01.2026 | 11:26
Չեմ ցանկանում հազարավոր ազգակից եղբայրներ կտրված ապրեն մեր հայրենիքից․ Հայկ Սարգսյանը նոր նախագիծ ներկայացրեց․ ՏԵՍԱՆՅՈՒԹ
Փոխվարչապետերը Մոսկվայում քննարկելու են ՀՀ-ի ու Ադրբեջանի միջև սահմանը հատելու կարգը․ Օվերչուկ
Քաղաքականություն
26.05.2023 | 11:33
Մոսկվայում բանակցություններ կանցկացվեն Ռուսաստանի Դաշնության, Հայաստանի և Ադրբեջանի փոխվարչապետերի միջև՝ տարածաշրջանում տրանսպորտային հաղորդակցությունների ապաշրջափակման հետ կապված մնացած հարցերի լուծման համար, մասնավորապես քննարկվելու է ՀՀ-ի ու Ադրբեջանի միջև սահմանը հատելու կարգը։ Այս մասին լրագրողներին հայտնել է ՌԴ փոխվարչապետ Ալեքսեյ Օվերչուկը, գրում է ՏԱՍՍ-ը։
«Փոխվարչապետերի հանդիպումը կլինի Մոսկվայում»,- ասել է նա։ Ինչպես նշել է Օվերչուկը, «կողմերը կիսում են նույն ըմբռնումը, թե ինչպես պետք է ընթանա ապաշրջափակումը», և այժմ քննարկվում են տեխնիկական մանրամասները։
«Դրանք շատ կարևոր մանրամասներ են, քանի որ խոսքը Ադրբեջանի և Հայաստանի միջև սահմանը հատելու կարգի մասին է՝ այն մասին, թե ինչպես է իրականացվելու սահմանային, մաքսային և այլ տեսակի հսկողություն, սա շատ կարևոր է»,- ասել է նա։
