26.06.2026 | 23:30
Հունիսի 29-ին Հայաստանի մի շարք հասցեներում էլեկտրաէներգիայի անջատումներ կլինեն
Օլաֆ Շոլցը ծրագրում է նոր հեռախոսազրույց ունենալ Վլադիմիր Պուտինի հետ
Քաղաքականություն
26.05.2023 | 12:02
Գերմանիայի կանցլեր Օլաֆ Շոլցը ծրագրում է նոր հեռախոսազրույց ունենալ ՌԴ նախագահ Վլադիմիր Պուտինի հետ, գրում է Kölner Stadt-Anzeiger-ը։
«Իմ վերջին հեռախոսազանգից որոշ ժամանակ է անցել: Բայց ես պլանավորում եմ ժամանակի ընթացքում կրկին խոսել Պուտինի հետ», – ասել է Շոլցը պարբերականին տված հարցազրույցում:
Ավելի վաղ Շոլցը հայտնել էր, որ վերջին մեկ տարվա ընթացքում ինքը Պուտինի հետ բազմաթիվ և երկարատև հեռախոսազրույցներ է ունեցել և կշարունակի դա անել։
Նրա խոսքով՝ իր հետ բանակցություններում ՌԴ ղեկավարը միշտ բարեկիրթ է՝ չնայած դիրքորոշումների տարբերությանը։ Կանցլերը մանրամասնեց, որ դրանք «երկար զրույցներ են եղել՝ երբեմն մեկ ժամով, երբեմն՝ մեկուկես ժամով, երբեմն գերմաներենով, երբեմն՝ թարգմանությամբ»։ Վերջին անգամ Շոլցն ու Պուտինը հեռախոսով զրուցել են անցյալ տարվա դեկտեմբերին։
