15.12.2025 | 19:13
Լուվրը ժամանակավորապես փակ է․ աշխատակիցները գործադուլ են սկսել
ISW-ն ԵՏՄ գագաթնաժողովը դիտարկում է որպես պատժամիջոցների շրջանցման խորհրդակցություն
Քաղաքականություն
26.05.2023 | 11:08
Պատերազմի ուսումնասիրման ամերիկյան ինստիտուտն (ISW) իր հերթական զեկույցում, բացի ռազմական գործողությունների ընթացքի ավանդական վերանայումից, անդրադարձել է նախօրեին տեղի ունեցած Եվրասիական տնտեսական միության գագաթնաժողովին՝ այն դիտարկելով Ռուսաստանի կողմից պատժամիջոցները շրջանցելու փորձի տեսանկյունից։
«Կրեմլը, ինչպես երևում է, փորձում է ԵՏՄ անդամ ու այլ հետխորհրդային պետություններին համոզել օգնել Կրեմլի կողմից Չինաստանի, Իրանի և այլոց օգնությամբ պատժամիջոցների շրջանցման սխեմաներ կազմակերպելու հարցում»,- գրում է ISW-ն։
Ինստիտուտը, մասնավորապես, նշում է գագաթնաժողովում Պուտինի հայտարարությունները, որոնցից մեկը կոչ էր ԵՏՄ երկրներին երրորդ երկրների հետ տեխնոլոգիական դաշինքներ ստեղծելու՝ գուցե Ռուսաստանին զենքի համար բարձր տեխնոլոգիական բաղադրիչներ տրամադրելու համար, ենթադրում է ISW-ն։ Մյուս կոչը վերաբերում էր «Արտադրված է ԵՏՄ-ում» մակնշմամբ ապրանքներ արտադրող համատեղ ձեռնարկությունների թիվն ավելացնելուն, որպեսզի, ինչպես կասկածում են ISW-ի վերլուծաբանները, քողարկվի պատժամիջոցների տակ գտնվող ռուսական արտադրանքը:
