14.08.2026 | 23:22
Հուլիսին Ուկրաինայում զոհվել է առնվազն 437 խաղաղ բնակիչ՝ ամենաբարձր ցուցանիշը 2022-ից ի վեր. ՄԱԿ
Պուտինը հայտնել է մեկ շաբաթից ՀՀ-ի, ՌԴ-ի և Ադրբեջանի փոխվարչապետերի հանդիպման մասին
Քաղաքականություն
26.05.2023 | 00:05
Ռուսաստանի նախագահ Վլադիմիր Պուտինը հայտնել է մեկ շաբաթից Ռուսաստանի Դաշնության, Հայաստանի և Ադրբեջանի փոխվարչապետերի հանդիպման մասին՝ տարածաշրջանում տրանսպորտային հաղորդակցությունների ապաշրջափակման մնացած հարցերը լուծելու համար, փոխանցում է ՏԱՍՍ-ը։
«Մենք այժմ պայմանավորվել ենք, որ մոտ ապագայում՝ մեկ շաբաթից, ես հիմա կխնդրեմ իմ գործընկերներին համաձայնեցնել այդ օրը, կհանդիպեն Ռուսաստանի, Ադրբեջանի և Հայաստանի փոխվարչապետները և դեռևս չպարզված հարցերը, այսպես ասած, կլուծվեն»,- հայտարարել ՌԴ ղեկավարը Ադրբեջանի նախագահ Իլհամ Ալիևի և Հայաստանի վարչապետ Նիկոլ Փաշինյանի հետ եռակողմ հանդիպման մեկնարկին։
Պուտինը նշել է, որ սա «լավ պայմանավորվածություն է, որը հույս է ներշնչում, որ դեռևս չլուծված հարցերը կլուծվեն»։
Մինչ այդ էլ ՌԴ փոխվարչապետ Ալեքսեյ Օվերչուկը հայտնել էր, որ փոխվարչապետերի հանդիպումը տեղի է ունենալու Մոսկվայում։
Տաթև Ֆռանգյան
