Քաղաքականություն
25.05.2023 | 23:50Իրավիճակը Հայաստանի և Ադրբեջանի միջև, ընդհանուր առմամբ, զարգանում է կարգավորման ուղղությամբ՝ չնայած դժվարություններին և խնդիրներին։ Այս մասին հայտարարել է ՌԴ նախագահ Վլադիմիր Պուտինը Հայաստանի և Ադրբեջանի ղեկավարներ Նիկոլ Փաշինյանի ու Իլհամ Ալիևի հետ հանդիպման մեկնարկին, փոխանցում է ՌԻԱ Նովոստին։
«Ընդհանուր առմամբ, ըստ իս, չնայած բարդություններին ու խնդիրներին, որոնք դեռևս բավական շատ են, այնուամենայնիվ, իրավիճակը զարգանում է կարգավորման ուղղությամբ։ Այդ ուղղություններից մեկը տրանսպորտային հաղորդակցությունների ուղղությամբ աշխատանքն է»,- ասել է ՌԴ ղեկավարը։
«Իմ կարծիքով, և մեր կարծիքով, նկատի ունեմ մեր երեքի կարծիքով՝ Հայաստանի վարչապետի, Ադրբեջանի նախագահի, դրանք հաղթահարելի խոչընդոտներ են, մեծ հաշվով դրանք զուտ տեխնիկական խնդիրներ են»,- ասել է Պուտինը։
Տաթև Ֆռանգյան
