09.09.2026 | 11:04
ԱԺ ֆինանսավարկային և բյուջետային հարցերի մշտական հանձնաժողովի նիստը․ ՈՒՂԻՂ
Փաշինյանը Պուտինի շքերթին մասնակցեց, ՀՀ-ին լավ եղա՞վ․ Ադրբեջանը հարձակվեց, ՌԴ-ն ձայն չհանեց. Արթուր Կոխլիկյան․ ՏԵՍԱՆՅՈՒԹ
Քաղաքականություն
25.05.2023 | 19:17
Ուկրաինայի Նիկոլաևի մարզի Հայերի միության նախագահ Արթուր Կոխլիկյանը Factor TV-ին տված հարցազրույցում խոսել է ՀՀ իշխանության կողմից ուկրաինահայ համայնքի նկատմամբ առկա վերաբերմունքի և գործակցության մասին՝ դրանք գնահատելով ոչ բավարար։
Ըստ նրա՝ Ադրբեջանը մեծ ֆինանսներ է հատկացնում ադրբեջանական համայնք «ստեղծելու» նպատակով, նաև պրոպագանդայի միջոցով հակաքարոզ է տանում Հայաստանի դեմ։ Դրան պատասխանում է միայն հայկական համայնքը՝ չունենալով Հայաստանի կառավարության աջակցությունը։
Արթուր Կոխլիկյանն ավելորդ զգուշավորություն է նկատում ՀՀ իշխանությունների քայլերում Կրեմլի հանդեպ, որոնք, նրա գնահատմամբ, չեն նպաստում նաև Հայաստան պետությանը։
«ՌԴ-ն մայիսի 8-ին ուժգին հրթիռակոծեց Ուկրաինան, բայց մենք տեսանք, որ մյուս օրը Փաշինյանը Պուտինի կողքին կանգնած էր, ՀՀ-ին լավ եղա՞վ դրանից։ Այո, Փաշինյանը Պուտինի կազմակերպած շքերթին մասնակցեց, քիչ անց Ադրբեջանը հարձակվեց, ՌԴ-ն ձայն չհանեց Բաքվի դեմ։ Ուկրաինայի վիճակն ավելի լավ է, քան Հայաստանի․ մենք այսօր այստեղ ուժեղ բանակով պաշտպանվում ենք Ռուսաստանի հարձակումներից, իսկ ՀՀ-ն մնաց ՌԴ-ի հետ, հող է կորցնում»,- ասաց Ուկրաինայի Նիկոլաևի մարզի Հայերի միության նախագահը։
Հարցազրույցն ամբողջությամբ՝ տեսանյութում։
Ռոբերտ Անանյան
