08.04.2026 | 20:30
Ադրբեջանական բենզինի մատակարարումները Հայաստան ձեռնտու են նաև Ադրբեջանին․ Էմին Ալիև
Նոր հարցման տվյալներով՝ Էրդողանն առաջատար է ընտրությունների երկրորդ փուլում
Քաղաքականություն
25.05.2023 | 19:40
Կանխատեսվում է, որ Թուրքիայի նախագահ Թայիփ Էրդողանը հաղթելու է նախագահական ընտրությունների երկրորդ փուլում՝ հավաքելով ձայների 52,7 տոկոսը, մինչդեռ ընդդիմադիր դաշինքի թեկնածու Քեմալ Քըլըչդարօղլուն կստանա 47,3 տոկոս ձայն։ Այս մասին ասվում է KONDA առաջատար հետազոտական ընկերության հարցման տվյալներում, գրում է Gercek news-ը։
Նշվում է, որ հարցումն իրականացվել է 3,607 մարդու շրջանում մայիսի 20-21-ն ընկած ժամանակահատվածում:
KONDA-ն նաև ընդգծում է երեք դինամիկա, որոնք կարող են ազդել ընտրությունների արդյունքների վրա։ Այն ներառում է ընտրություններին նախորդող շաբաթվա իրադարձությունների ազդեցությունը, կուսակցությունների առաջնորդների և թեկնածուների քվեարկության ռազմավարական որոշումները և ընտրողների մասնակցությունն ընտրությունների երկրորդ փուլում:
Հիշեցնենք, որ Թուրքիայի նախագահական ընտրությունների երկրորդ փուլը տեղի կունենա մայիսի 28-ին։
Էմմա Չոբանյան
