18.03.2026 | 23:19
1-ամյա երեխայի սպանության փորձ կատարելու մեջ մեղադրվող խորթ մայրը կալանավորվեց
ԵՏՄ երկրներին դժվար կլինի հասնել ՀՀ-ին․ Պուտինը շնորհակալություն հայտնեց «դեռևս ԵՏՄ անդամ չհանդիսացող» հյուրերին․ ՏԵՍԱՆՅՈՒԹ
Քաղաքականություն
25.05.2023 | 17:17
Եվրասիական տնտեսական միության (ԵՏՄ) երկրների համար դժվար կլինի հասնել Հայաստանին, որի ՀՆԱ-ի աճը գերազանցել է 12%-ը։ Այս մասին հայտարարել է ՌԴ նախագահ Վլադիմիր Պուտինը Եվրասիական տնտեսական բարձրագույն խորհրդի ընդլայնված կազմով նիստի մեկնարկին ունեցած ելույթում։
Պուտինի խոսքով՝ ԵՏՄ երկրները համատեղ կձգտեն ասոցացման շրջանակում հասնել զարգացման նույնքան բարձր մակարդակի։
«Դե՝ մեզ համար դժվար կլինի հասնել Հայաստանին, մենք այսօր արդեն հայտարարել ենք այդ մասին, ՀՆԱ-ի աճը կազմել է ավելի քան 12 տոկոս։ Սա շատ բարձր է, լուրջ ցուցանիշ է»,- ասել է ՌԴ նախագահը։
Ավելի վաղ ՌԴ նախագահը, անդրադառնալով Ղազախստանի նախագահ Կասիմ-Ժոմարտ Տոկաևի խոսքերին, համաձայնել էր, որ ԵՏՄ-ում «Հայաստանը հիմնական շահառուն է», քանի որ «Հայաստանն ունի տնտեսական աճի ամենաբարձր ցուցանիշը»։
Իր ելույթի ավարտին Պուտինը շնորհակալություն է հայտնել Եվրասիական տնտեսական բարձրագույն խորհրդի նիստին մասնակցող հյուրերի, որոնք «դեռևս միության անդամ չեն»։
Հիշեցնենք՝ Ադրբեջանի նախագահ Իլհամ Ալիևն առաջին անգամ անձամբ ներկա է ԵՏՄ խորհրդի նիստին։
Մանրամասները՝ տեսանյութում:
Տաթև Ֆռանգյան
