07.10.2026 | 23:48
Արթուր Դանիելյանը կալանավորվեց
ԵՏՄ-ի շրջանակում արդեն տեղի է ունեցել ապադոլարացում․ Օվերչուկ
Քաղաքականություն
25.05.2023 | 18:31
ԵՏՄ-ի ներսում իրականացվող առևտրում արդեն տեղի է ունեցել ապադոլարացում։ Այս մասին Մոսկվայում ԵՏՄ գագաթնաժողովի շրջանակում հայտարարել է ՌԴ փոխվարչապետ Ալեքսեյ Օվերչուկը, հայտնում է BelTA-ն։
Պատասխանելով հարցին՝ իրատեսակա՞ն է, արդյոք, հրաժարվել ամերիկյան դոլարից, ՌԴ փոխվարչապետն ասել է. «Դուք գիտեք, թե որքա՞ն կապրի դոլարը։ Մենք մեր առաջ դոլարի ապրել-չապրելու խնդիր չենք դնում։ Սկզբունքորեն դոլարն իր դերը կատարեց։ ՌԴ նախագահ Վլադիմիր Պուտինը բազմիցս ընդգծել է, որ մենք դոլարը զենք չենք դարձրել։ Բայց երբ մեզ կտրեցին դոլարից ու եվրոյից, բնականաբար, մենք ձեռքներս ծալած չենք նստի։ Իսկ փոխադարձ հաշվարկների համար այլ արժույթներ ենք փնտրելու։ Այս տարվա առաջին եռամսյակի դրությամբ՝ ԵՏՄ-ի շրջանակում ապրանքների հետ գործարքների 89%-ն իրականացվել է մեր ազգային արժույթներով։ Մարտին այս ցուցանիշն արդեն 90% է եղել»։
Նրա խոսքով՝ վստահաբար կարելի է ասել, որ ԵՏՄ-ի շրջանակում արդեն տեղի է ունեցել ապադոլարացում։
Տաթև Ֆռանգյան
