14.08.2026 | 23:22
Հուլիսին Ուկրաինայում զոհվել է առնվազն 437 խաղաղ բնակիչ՝ ամենաբարձր ցուցանիշը 2022-ից ի վեր. ՄԱԿ
Փաշինյան-Պուտին-Ալիև մոսկովյան հանդիպմանը կարող է երկու փաստաթուղթ ընդունվել․ Կոմերսանտ
Քաղաքականություն
25.05.2023 | 14:51
Կոմերսանտն այսօր Մոսկվայում կայանալիք Հայաստանի, ՌԴ-ի ու Ադրբեջանի ղեկավարների հանդիպմանը նվիրված անդրադարձում նշում է, որ հնարավոր է փաստաթղթերի ստորագրում։
Մասնավորապես, ասվում է, որ մայիսի 23-ին Մոսկվայում տեղի է ունեցել եռակողմ աշխատանքային խմբի նիստը Ադրբեջանի, Հայաստանի և Ռուսաստանի փոխվարչապետներ Շահին Մուստաֆաևի, Մհեր Գրիգորյանի և Ալեքսեյ Օվերչուկի գլխավորությամբ։ Մոսկովյան բանակցությունների վերջնական ակորդը, ըստ պարբերականի, պետք է լինի եռակողմ գագաթնաժողովը, որին մասնակցելու են Ադրբեջանի, Հայաստանի և Ռուսաստանի առաջնորդներ Իլհամ Ալիևը, Նիկոլ Փաշինյանը և Վլադիմիր Պուտինը։
Լրատվամիջոցը նշում է, որ Մոսկվան հույս ունի, որ գագաթնաժողովի արդյունքներով պետք է առնվազն երկու փաստաթուղթ ընդունվի, որոնց համաձայնեցման գործընթացը տևել է մայիսի 24-ի ամբողջ օրը։ Մեկը պատրաստել են փոխվարչապետերը՝ տրանսպորտային հաղորդակցությունների ապաշրջափակման մասով, մյուսը Ալիևի, Փաշինյանի և Պուտինի հինգերորդ համատեղ հայտարարությունը կլինի, որը համաձայնեցվել է երեք երկրների արտաքին գործերի նախարարությունների կողմից։
Հավելենք, որ ավելի վաղ Փաշինյանը չէր բացառել, որ հաղորդակցությունների ապաշրջափակման վերաբերյալ կարող է փաստաթուղթ ընդունվել։
Էմմա Չոբանյան
