07.10.2026 | 23:48
Արթուր Դանիելյանը կալանավորվեց
Բաքվի ու Երևանի միջև համաձայնագիրը պետք է հիմնված լինի երկարաժամկետ լուծումների վրա. ՌԴ ԱԳՆ
Քաղաքականություն
25.05.2023 | 13:50
Բաքվի և Երևանի միջև խաղաղության համաձայնագիրը պետք է հիմնված լինի երկարաժամկետ, կայուն լուծումների վրա, միևնույն ժամանակ, ադրբեջանական և հայկական կողմերն իրենք պետք է որոշեն, թե ինչն է համապատասխանում իրենց հիմնարար շահերին և ինչպես են մտադիր ապահովել կայուն խաղաղություն։ ՌԻԱ Նովոստիին տված հարցազրույցում այս մասին ասել է ՌԴ փոխարտգործնախարար Միխայիլ Գալուզինը։
Պատասխանելով կողմերի միջև խաղաղության պայմանագրի նախապատրաստման մասին հարցին՝ նա մատնանշել է, որ «հաշվի առնելով այս հարցերի ծայրահեղ զգայունությունը՝ մենք չենք կարող մեկնաբանել բանակցային գործընթացի ընթացքը, որպեսզի չխոչընդոտենք դրա առաջընթացին»։
«Բաքուն ու Երևանն իրենք են որոշում, թե ինչն է համապատասխանում իրենց հիմնարար շահերին և ինչպես են մտադիր ապահովել իրենց ժողովուրդների համար կայուն և հուսալի խաղաղություն։ Միևնույն ժամանակ, իհարկե, խաղաղության պայմանագիրը պետք է հիմնված լինի երկարաժամկետ, կայուն լուծումների վրա»,- հավելել է Ռուսաստանի փոխարտգործնախարարը։
Տաթև Ֆռանգյան
