Երբ ժողովուրդը զգում է երկրի ղեկավարի հոգնածությունը, իսկ նա՝ ոչ. ՏԵՍԱՆՅՈՒԹ

Հայաստանում վերջին 15 օրերի ընթացքում հրաժարական տվեցին մի շարք գյուղերի ու քաղաքների ղեկավարներ՝ բողոքի ցույցերի արդյունքում: Նրանք, ինչպես ցույց է տալիս իրավիճակը, հրաժարական անպայման տալիս են, բայց՝ ոչ ինքնակամ: Խնդրի տիրույթներն ընդլայնելով՝ասենք, որ ՏԻՄ ներկայացուցիչների՝պարտադրանքով հեռանալը բնորոշ է ոչ միայն Հայաստանին: Նման բան ընդունված է ամբողջ աշխարհում, և հասարակ գյուղապետը կամ քաղաքապետն ընդամենը ցուցադրում է այն վարքագիծը, որը սովորել է պետության առաջին դեմքերից:

Օրինակները բազմաթիվ են, երբ երկրի բարձրագույն ղեկավարությունը հեռանում է պաշտոնից տևական ցույցերի արդյունքում: Թերևս չբացահայտված հանգամանք է մնում, թե ինչո՞ւ ժողովուրդը հասկանում է՝ եկել է ղեկավարի հեռանալու պահը, բայց իշխանավորը, սովորաբար, դա չի հասկանում: Արդյո՞ք չկա որևէ իշխանական գործիչ, որ խոհեմորեն հասկանա սկանդալով ու ճնշումներով հեռանալու անմտությունը: Եվ ինչո՞ւ է իշխանություն լինելը վերացնում ադեկվատության զգացումը:

Բազմաթիվ ստիպողաբար հեռացումների կողքին ունենք ընդամենը իսպանական մեկ թագավորի՝ իր հոգնածությունը կամավոր զգալու օրինակ: Ուղիղ 4 տարի առաջ՝ 2014թ. հունիսին, Իսպանիայի թագավոր Խուան Կարլոսը հրաժարվեց գահից: Պատճառն այն է, որ հոգնել էր, և ուզում էր, որ իր որդուն սպասումները հալումաշ չանեն, ինչպես որ անում են բրիտանական արքայազն Չարլզին` թագուհու երկարաժամկետ գահակալման պատճառով:

Երբ հեռանալու ցանկությունը կա, պատճառները կգտնվեն:Եվ հակառակը՝ երբ իշխանությունն ամեն գնով պահելու մոլուցքը կա՝ անգամ ծայրահեղ հոգնածության դեպքում են պաշտոնյաները կառչում աթոռից, այնպես, ինչպես եղավ Հայաստանի երրորդ նախագահի դեպքում։

Մանրամասն՝ տեսանյութում: