14.08.2026 | 23:22
Հուլիսին Ուկրաինայում զոհվել է առնվազն 437 խաղաղ բնակիչ՝ ամենաբարձր ցուցանիշը 2022-ից ի վեր. ՄԱԿ
Կարևոր է ՀՀ-ի մասնակցությունը ՀԱՊԿ-ի օպերատիվ և մարտական պատրաստության համատեղ աշխատանքին. Շոյգու
Քաղաքականություն
25.05.2023 | 12:54
ՌԴ պաշտպանության նախարար Սերգեյ Շոյգուն հայտարարել է ՀԱՊԿ-ի համատեղ օպերատիվ-մարտական գործունեությանը հայկական կողմի մասնակցության կարևորության մասին։ Այս մասին հայտնում են ռուսական ԶԼՄ-ները։
«Հայաստանը մեր կազմակերպության անդամն է, մեր դաշնակիցը։ Մենք շահագրգռված ենք խաղաղության հաստատմամբ և ամեն ինչ անելու ենք՝ Կովկասում իրավիճակը կայունացնելու համար։ Միևնույն ժամանակ, ես հատկապես կցանկանայի նշել Հայաստանի մասնակցության կարևորությունը ՀԱՊԿ-ում օպերատիվ և մարտական պատրաստության վերաբերյալ համատեղ աշխատանքին»,- ասել է Շոյգուն կազմակերպության պաշտպանության նախարարների խորհրդի Մինսկում կայացած հանդիպմանը։
Հիշեցնենք, որ Factor TV-ին ՀՀ ՊՆ մամուլի խոսնակ Արամ Թորոսյանը հայտնել էր, որ պաշտպանության նախարար Սուրեն Պապիկյանը չի մեկնել Մինսկ՝ մասնակցելու ՀԱՊԿ պաշտպանության նախարարների խորհրդի նիստին։
Տաթև Ֆռանգյան
