Կալանքը պետք է կիրառվի ծայրահեղ դեպքում․ ՄԻՊ Անահիտ Մանասյան․ ՏԵՍԱՆՅՈՒԹ

Հնարովինս պետք է խուսափել կալանաքը որպես խափաման միջոց կիրառելուց։ Կալանքը պետք է կիրառվի ծայրահեղ դեպքում։ Այս մասին այսօր կառավարության նիստից հետո լրագրողների հետ ճեպազրույցում հայտարարեց ՀՀ Մարդու իրավունքների պաշտպան Անահիտ Մանասյանը։

Անդրադառնալով մայիսի 20-ին կալանավորված Գայանե Հակոբյանի քրեկան գործին՝ մանասյանը նշեց, որ զոհված զինծառայողի մոր՝ Գայանե Հակոբյանի նկատմամբ կալանքը որպես խափանման միջոց ընտրելը ծայրահեղ միջոց է եղել, ու այստեղ կա խնդիր։

ՄԻՊ-ը նաև անդրադարձավ քրեակատարողական հիմնարկում զոհված զինծառայողի մայր Գայանե Հակոբյանի խցային պայմաններին, որոնք նա խնդրահարույց գնահատեց և որոնք ՀՀ ՄԻՊ գրասենյակը փորձել է շտկել։

«Ես և իմ աշխատակազմը ուշադրության կենտրոնում ենք պահել այդ հարցը․ առաջին պահից սկսած այցելել ենք նրան, ծանոթացել խնդրիներին, փորձել ենք լուծել դրանք։ Այնուհետև, փորձել ենք Աբովյան ՔԿՀ-ում Գայանե Հակոբյանի՝ խցային պայմաների հետ կապված լուծումներ տալ։ Դրանք ոչ թե առանձին անձին վերաբերող, այլ ընդհանուր խնդիրներ են եղել»,- նշեց Մանասյանը։

Այլ մանրամասներ նա չհրապարակեց՝ ընդգծելով, որ Գայանե Հակոբյանի հետ իրենց զրույցները խորհրդապահական բնույթ ունեն, նրանից համաձայնություն չունի և այդ պատճառով չի կարող հապարակել մանրամասներ։

Պաշտպանը նշեց նաև՝ տեղյակ չէ, որ Գայանե Հակոբյանի փաստաբանական թիմը հրաժարվել է նրա պաշտպանությունից։ Հարցին, թե արդյոք նա կդիմի՞ ՀՀ գլխավոր դատախազին՝ փոխելու նրա խափանման միջոցը՝ հաշվի առնելով, որ Գայանե Հակոբյանը զոհվածի մայր է, Անահիտ Մանասյանը պատասխանեց՝ այո։

Նշենք, որ մայիսի 17-ին տեղեկություն տարածվեց, թե «Որդիների կանչ» ՀԿ–ի անդամները փորձել են առևանգել վարչապետի որդուն։ Վերջինս հաղորդում էր ներկայացրել ոստիկանություն, որից հետո ՀՀ քննչական կոմիտե քրեական գործ է հարուցել մարդուն առևանգելու հոդվածով, ձերբակալվել է մեկ անձ` Գայանե Հակոբյանը։

Մայիսի 20-ին նրա կալանավորման որոշումից հետո 44–օրյա պատերազմում զոհված զինծառայողների ծնողները երթով Արշակունյանց պողոտայով շարժվեցին դեպի Հանրապետության հրապարակ ու անժամկետ նստացույց հայտարարեցին` պահանջելով ազատ արձակել Հակոբյանին։ Նստացույցը դադարեցվեց մայիսի 23-ին։

Մանրամասները՝ տեսանյութում։