18.03.2026 | 23:19
1-ամյա երեխայի սպանության փորձ կատարելու մեջ մեղադրվող խորթ մայրը կալանավորվեց
Պեսկովը հայտնել է, որ Պուտինը նախ առանձին հանդիպումներ կունենա Փաշինյանի ու Ալիևի հետ, ապա տեղի կունենա եռակողմ հանդիպումը
Քաղաքականություն
25.05.2023 | 12:30
ՌԴ նախագահ Վլադիմիր Պուտինը այսօր երկու առանձին հանդիպումներ կունենա Հայաստանի վարչապետ Նիկոլ Փաշինյանի և Ադրբեջանի նախագահ Իլհամ Ալիևի հետ, որից հետո առաջնորդները եռակողմ բանակցություններ կվարեն։ Այս մասին լրագրողներին հայտնել է ՌԴ նախագահի մամուլի քարտուղար Դմիտրի Պեսկովը, գրում է ՏԱՍՍ-ը։
«Պուտինը երկու երկկողմ հանդիպումներ կունենա Ադրբեջանի նախագահ Ալիևի ու Հայաստանի վարչապետ Փաշինյանի հետ։ Դրանից հետո մենք սպասում ենք, որ տեղի կունենա եռակողմ հանդիպումը՝ Պուտին-Ալիև-Փաշինյան»,-ասել է Պեսկովը։
Հավելենք, որ հանդիպմանը մասնակցելու նպատակով Փաշինյանն ու Ալիևն արդեն այցով Մոսկվայում են։ Մայիսի 14-ին էլ Հայաստանի ու Ադրբեջանի ղեկավարները եռակողմ հանդիպում էին անցկացրել Բրյուսելում Եվրոպական խորհրդի նախագահ Շառլ Միշելի հետ։
