06.06.2026 | 18:40
Ստեփանավանի տարածաշրջանում կարկուտ է տեղացել․ կան վնասներ
ԵՏՄ շրջանակներում գոյություն ունի ՌԴ-Բելառուս միութենական պետություն և ՀՀ, Ղազախստան ու Ղրղզստան գործակցություն․ Տոկաև
Քաղաքականություն
25.05.2023 | 13:18
Ղազախստանի նախագահ Կասիմ-Ժոմարտ Տոկաևը, ելույթ ունենալով Մոսկվայում կայացած ֆորումի ժամանակ, հայտարարել է, որ Եվրասիական տնտեսական միության (ԵՏՄ) շրջանակներում գոյություն ունի միութենական պետություն՝ Ռուսաստանը և Բելառուսը և կա նաև «ինտեգրման մեկ այլ մակարդակ», որը ներկայացնում են Ղազախստանը, Ղրղզստանը և Հայաստանը, փոխանցում է Meduza-ն։
«ԵՏՄ-ում մենք ունենք միութենական պետություն, այսինքն՝ համաշխարհային քաղաքական պատմության մեջ եզակի նախադեպ է ստեղծվել, կամ մի երևույթ, ինչպես կուզեք՝ «երկու երկիր՝ մեկ պետություն» բանաձևով պետության ստեղծում. միասնական քաղաքական, իրավական, ռազմական, տնտեսական, դրամավարկային, մշակութային, հումանիտար տարածք», – ասել է Տոկաևը Մոսկվայում Եվրասիական տնտեսական ֆորումի հանդիպման ժամանակ:
Միևնույն ժամանակ, վերջինս նշել է, որ ԵՏՄ-ն ունի նաև ինտեգրման մեկ այլ մակարդակ՝ ի դեմս Ղազախստանի, Ղրղզստանի և Հայաստանի։
«Մենք պետք է գործ ունենանք այս իրականության հետ։ Ինչպես ենք աշխատելու այս պայմաններում, կոնցեպտուալ հարց է։ Կարծում եմ՝ մենք պետք է քննարկենք այս խնդիրը»,- եզրափակել է Ղազախստանի նախագահը։
