Քաղաքականություն
24.05.2023 | 19:06«Թող գան, ապացուցեն, որ այս ամբիոնին կանգնած մարդը և մարդիկ Արցախը թողնում են, առերես խոսակցությունից անընդհատ փախչում են»,- ԱԺ – Կառավարություն հարցուպատասխանի ժամանակ նշեց վարչապետ Նիկոլ Փաշինյանը՝ անդրադառնալով խորհրդարանական ընդդիմության գործելաոճին և քննադատությանը, թե «իշխանությունը ձեռքերը լվանում է Արցախից»։
«Մի ժամանակ դռնփակից էին փախչում, հիմա նաև դռնբացից են փախչում։ Սա ինչի՞ մասին է վկայում։ Աղմուկն այլևս իմաստ չունի, ժամանակն է բովանդակային քննարկման, շիշ շպրտելուց սկսած՝ ինչ կարող էր տեղի ունենալ, տեղի է ունեցել։ Դե կրակել հլը որ չի ստացվում իրենց մոտ, չի էլ ստացվի։ Կա խոսակցություն, եկեք խոսենք»,-ասաց վարչապետը։
Փաշինյանն ընդգծեց, որ պատրաստակամություն է հայտնում դռնփակ և դռնբաց ռեժիմով հանդիպել ընդդիմության հետ և պատասխանել իրենց բոլոր հարցերին։
«Իրենք միայն ինձ հետ խոսելուց չեն խուսափում, իրենք իրենց գործատուի հետ խոսելուց էլ են խուսափում, որովհետև իրենց գործատուն գնալով ավելի է հասկանում, որ այս մարդիկ ջուր են ծեծում։ Հայհոյանքների բառապաշարը սպառվել է, եկեք բովանդակային խոսենք», – նշեց Փաշինյանը։
«Եղան ելույթներ, որ դուք պատրաստվում եք ճանաչել Ադրբեջանի տարածքային ամբողջականությունը։ Հարցս հետևյալն է՝ արդյո՞ք ՀՀ անկախ ժամանակաշրջանում եղել է մի իշխանություն, որը հրաժարվել է ճանաչել Ադրբեջանի տարածքային ամբողջականությունը և արդյո՞ք մենք ինչ-որ նոր բան ենք անում, որը ցնցել է մեր հասարակությանն ու խորհրդարանական ընդդիմությանը»,- հետաքրքրվեց ՔՊ խմբակցության պատգամավոր Լուսինե Բադալյանը։
Ի պատասխան՝ Փաշինյանը նշեց․ «Այո՛, մենք մի բան այլ կերպ ենք անում, մենք դա անում ենք առանց «կռուտիտի»։
Մանրամասները՝ տեսանյութում։
