25.07.2026 | 18:35
ԶՈՒ ԳՇ պետը հանդիպել է բանակային զորամիավորման ջոկերի հրամանատարներին և դիրքերի ավագներին
Քըլըչդարօղլուն Էրդողանի դեմ հայց է ներկայացրել՝ պահանջելով 1 մլն լիրա փոխհատուցում
Քաղաքականություն
24.05.2023 | 22:04
Թուրքիայում շարունակվում են քննարկումները իշխող ուժի նախագահի թեկնածու Ռեջեփ Թայիփ Էրդողանի խոստովանության շուրջ, որ հանրահավաքներում ընդդիմության թեկնածու Քեմալ Քըլըչդարօղլուի և PKK-Ի հետ կապված տեսանյութը մոնտաժված է եղել։ Այս առիթով Քըլըչդարօղլուն հայց է ներկայացրել Էրդողանի դեմ, գրում են տեղական լրատվամիջոցները։
Ընդդիմության թեկնածուի փաստաբան Ջելալ Չելիքը հայցի վերաբերյալ հայտարարություն է տարածել Twitter-ի իր միկրոբլոգում։ Նա նշել է, որ հայց են ներկայացրել՝ Էրդողանին պատասխանատվության կանչելու մոնտաժված հոլովակի համար։
«Այս անգամ մենք ուշադրություն չդարձրինք Էրդողանի արժեքին, մենք դատարան դիմեցինք նրա անձի արժեքը գերազանցող՝ 1 միլիոն լիրայի պահանջով։ Այն պատրաստվում ենք բաժանել մեր նահատակների երեխաներին՝ որպես կրթաթոշակ»,- գրել է նա։
Հավելենք, որ մոնտաժված տեսանյութը ցուցադրվել էր Էրդողանի՝ մայիսի 7-ին Ստամբուլում տեղի ունեցած մեծ հանրահավաքի ժամանակ։
Հիշեցնենք նաև, որ Թուրքիայում նախագահական ընտրությունների երկրորդ փուլը տեղի կունենա մայիսի 28-ին։
Էմմա Չոբանյան
