24.02.2026 | 12:34
Հայ բռնցքամարտիկները հաղթանակով են մեկնարկել հեղինակավոր մրցաշարում
ԱՄՆ Պետդեպի ներկայացուցիչ Լուիս Բոնոն Բաքվում է․ նա Բայրամովի հետ քննարկել է Հայաստանի հետ բանակցային գործընթացը
Քաղաքականություն
24.05.2023 | 17:52
Այցով Բաքվում է ԱՄՆ Պետքարտուղարության Կովկասյան բանակցությունների հարցերով ավագ խորհրդական, ԵԱՀԿ Մինսկի խմբի ամերիկացի համանախագահ Լուիս Բոնոն։ Նա հանդիպել է Ադրբեջանի ԱԳ նախարար Ջեյհուն Բայրամովի հետ։
Ադրբեջանի ԱԳՆ-ի հաղորդմամբ՝ հանդիպման ընթացքում կողմերը քննարկել են Ադրբեջանի և Հայաստանի միջև խաղաղության գործընթացը, «Խաղաղության և միջպետական հարաբերությունների հաստատման մասին» համաձայնագրի նախագծի շուրջ բանակցությունների ներկա վիճակը, այս համատեքստում վերջին հանդիպումների արդյունքները և բանակցությունների հեռանկարները։
Ջեյհուն Բայրամովը ուշադրություն է հրավիրել Բաքվի դիրքորոշման վրա՝ կապված հաղորդակցությունների բացման և սահմանազատման գործընթացի հետ։
Լուիս Բոնոն իր հերթին նշել է, որ ԱՄՆ-ը պատրաստ է ամբողջ ուժով աջակցել խաղաղության գործընթացին։ Նա նշել է, որ տարածաշրջանի զարգացման համար անհրաժեշտ է ապահովել խաղաղություն և հանգստություն։
Էմմա Չոբանյան
