16.05.2026 | 21:37
Փաշինյանը ներկայացրել է վարորդական իրավունքից զրկված անձանց խնդրի լուծման իր տարբերակը
Արեգակի վրա բռնկումը Երկրի վրա կատակլիզմներ և մագնիսական փոթորիկ է առաջացրել
Քաղաքականություն
24.05.2023 | 18:31
Երկրագնդի վրա գեոմագնիսական փոթորիկ է սկսվել Արեգակի վրա հերթական հզոր բռնկման պատճառով: Գիտնականների կարծիքով՝ մագնիսական փոթորկի գագաթնակետը տեղի է ունեցել մայիսի 24-ի գիշերը, հետևանքները կվերանան միայն հանգստյան օրերին։
Էլեկտրական սարքավորումների աշխատանքում կարող են լինել խափանումներ և հաղորդակցության ընդհատումներ: Բացի այդ, բռնկման պատճառով Երկրի վրա տարբեր բնական աղետներ են սկսվել, հաղորդում է ОТР-ն։
Աղբյուրի տվյալներով՝ ամերիկյան Գուամ կղզում սպասում են Mawar գերթայֆունի հարվածին։ Այն դեպի կղզի է շարժվում 250 կմ/ժ արագությամբ։ Օդերևութաբանները նշում են, որ այն կարող է դառնալ ամենակործանարարը տարածաշրջանի պատմության մեջ։ Տեղի բնակիչներին խորհուրդ է տրվել թաքնվել ապաստարաններում։
Հրաբխային ժայթքումներ են սկսվել մի քանի երկրներում: Մեքսիկայում արթնացել է Պոպոկատեպելը: Դրա պատճառով մի քանի քաղաքներ մոխրի շերտի տակ են հայտնվել։ Երկրի իշխանությունները նախատեսում են տարհանել տեղի բնակիչներին մոտակա շրջաններից։
Ճապոնիայում արթնացել է Սակուրաջիմա հրաբուխը, որը նախկինում ժայթքել էր 2022 թվականին։ Մերապին գործում է Ինդոնեզիայում. այստեղ լավայի հոսքերը տարածվել են երկու կիլոմետրի վրա:
Վերջին անգամ՝ 13 տարի առաջ այս հրաբխի ժայթքման պատճառով մահացել է ավելի քան 300 մարդ։
Տաթև Ֆռանգյան
