14.08.2026 | 23:22
Հուլիսին Ուկրաինայում զոհվել է առնվազն 437 խաղաղ բնակիչ՝ ամենաբարձր ցուցանիշը 2022-ից ի վեր. ՄԱԿ
ՌԴ ԱԳՆ-ն՝ Փաշինյանի կողմից Ադրբեջանի տարածքային ամբողջականությունը ճանաչելու հայտարարության մասին․ ՏԵՍԱՆՅՈՒԹ
Քաղաքականություն
24.05.2023 | 15:40
Ռուսաստանը Հայաստանի վարչապետի հայտարարությունը համարում է հաստատում այն դիրքորոշման, որը նա որդեգրել է 2022 թվականի հոկտեմբերին Պրահայում Հայաստանի, Ադրբեջանի, Ֆրանսիայի և ԵՄ ղեկավարների մասնակցությամբ գագաթնաժողովի ժամանակ։ Այս մասին իր ամենշաբաթյա ճեպազրույցում ասաց ՌԴ ԱԳՆ պաշտոնական ներկայացուցիչ Մարիա Զախարովան՝ մեկնաբանելով Նիկոլ Փաշինյանի խոսքերը՝ Ադրբեջանի տարածքային ամբողջականությունը ճանաչելու վերաբերյալ։
«Ինչպես բազմիցս ասել ենք՝ Պրահայի համաձայնագիրը որակապես նոր շրջանակներ է տվել Բաքվի և Երևանի բանակցային գործընթացին»,- ասել է Զախարովան։
Նա նաև նշեց, որ Նիկոլ Փաշինյանի վերջին հայտարարությունները հակասական արձագանք են առաջացրել բուն Հայաստանում, Լեռնային Ղարաբաղում։ Զախարովան հավելեց, որ Ռուսաստանը միջնորդ է Լեռնային Ղարաբաղի հակամարտության կարգավորման հարցում, և այս առումով «կարևոր է Լեռնային Ղարաբաղի հարցում Հայաստանի հստակ դիրքորոշում ունենալը»։
Մանրամասները՝ տեսանյութում։
Տաթև Ֆռանգյան
