04.11.2024 | 22:30
Հայաստանի մի շարք հասցեներում էլեկտրաէներգիայի անջատումներ կլինեն
Ֆլորիդայի նահանգապետը կհայտարարի ԱՄՆ նախագահական ընտրություններին մասնակցելու մասին՝ դառնալով կուսակցությունում Թրամփի գլխավոր մրցակիցը
Քաղաքականություն
24.05.2023 | 15:31
Ֆլորիդայի նահանգապետ Ռոն Դեսանտիսը կարող է դառնալ Դոնալդ Թրամփի գլխավոր մրցակիցը Հանրապետական կուսակցության կողմից նախագահի թեկնածու առաջադրվելու համար, հաղորդում է Euronews-ը։
Դեսանտիսը մտադիր է 2024 թվականի նախագահական արշավում իր մասնակցության մասին հայտարարել Twitter Spaces հարթակում Իլոն Մասկի հետ զրույցում։
Ամերիկյան լրատվամիջոցների հաղորդմամբ՝ Ռոն Դեսանտիսն այդպիսով կդառնա ԱՄՆ նախկին նախագահ Դոնալդ Թրամփի գլխավոր մրցակիցներից մեկը Հանրապետական կուսակցության փրայմերիզներում։
Թրամփից բացի՝ իրենց թեկնածությունն առաջադրել են Հարավային Կարոլինայի նախկին նահանգապետ Նիկի Հեյլին, Արքանզասի նահանգապետ Էյսա Հաթչինսոնն ու ևս հինգ գործիչ։ Հարցումների համաձայն՝ հավանական թեկնածուների ցուցակը գլխավորում է Դոնալդ Թրամփը՝ առաջ անցնելով Դեսանտինսից 38 տոկոսային կետով։
Հավելենք, որ ԱՄՆ նախագահ Ջո Բայդենը նույնպես ավելի վաղ հայտարարել էր 2024 թվականի ընտրություններում իր մասնակցության մասին։
ԱՄՆ-ում նախագահական ընտրությունները տեղի կունենան 2024 թվականի նոյեմբերի 5-ին։
Էմմա Չոբանյան
