05.06.2026 | 16:00
«300,000 ադրբեջանցիների վերադարձի» թեզը Բաքվից ու Մոսկվայից է ձևավորվում. Հովսեփ Խուրշուդյան․ ՏԵՍԱՆՅՈՒԹ
Դատական բարեփոխումները վերնագրեք Մնացական Մարտիրոսյանի և Արմեն Դանիելյանի անունով․ Ագնեսա Խամոյան․ ՏԵՍԱՆՅՈՒԹ
Քաղաքականություն
24.05.2023 | 11:40
Ազգային ժողովն այսօրվա նիստում քննարկում է Վճռաբեկ դատարանի հակակոռուպցիոն պալատի կոռուպցիոն հանցագործությունների քննության դատական կազմի դատավորի ընտրության հարցը։
Բարձրագույն դատական խորհուրդը դատավորի թափուր տեղի համար առաջադրել է Արմեն Դանիելյանի, Ելիզավետա Դանիելյանի և Արսեն Նիկողոսյանի թեկնածությունները։ Ազգային ժողովը երեք թեկնածուներից պետք է ընտրի մեկ թեկնածու։ ԲԴԽ նախագահի պաշտոնակատար Վիգեն Քոչարյանը ներկայացրեց Արմեն Դանիելյանի թեկնածությունը։
«Հայաստան» խմբակցության պատգամավոր Ագնեսա Խամոյանն ասաց․ «Ես ուզում էի մտաբերել, թե 20 տարուց ավելի դատական համակարգում եղած Արմեն Դանիելյանի մասին կարո՞ղ եմ մտաբերել որևէ մեկ դրական մեկնաբանություն մասնագիտական հանրության կողմից։ Եվ այդպես էլ չկարողացա մտաբերել։ Եվ կարծում եմ՝ առհասարակ գաղտնիք չէ, որ պարոն Դանիելյանն այն դատավորն է եղել, որ երբեք էլ մեծ հաշվով չի վայելել մասնագիտական հանրության սերն ու հարգանքը»։
Խամոյանը դիմեց ԲԴԽ նախագահի պաշտոնակատար Վիգեն Քոչարյանին․ «Դուք դատական բարեփոխումների ընթացքի մեջ եք, ես առաջարկում եմ այդ բարեփոխումները վերնագրել հետևյալ վերնագրով, օրինակ, ․ «Մնացական Մարտիրոսյանի և Արմեն Դանիելյանի անվան դատական բարեփոխումների ռազմավարություն»»։
Վիգեն Քոչարյանն ի պատասխանեց նշեց․ «Իմ առաքելությունն այստեղ թեկնածուին ներկայացնելն է․․․ Պատգամավորները հնարավորություն ունեն մի քանի թեկնածուից ընտրել մեկին»։
Քոչարյանը կոչ արեց հարգալից վերաբերվենք դատական կորպուսին և յուրաքանչյուր դատավորի։
Մանրամասները՝ տեսանյութում։
