15.01.2026 | 22:37
ՀՀ տարածքում կան փակ ավտոճանապարհներ
Ինչո՞ւ ԲԴԽ նախագահը ԱԺ-ում չի ներկայացնում դատավորի թեկնածուին․ Արսեն Թորոսյանը հետաքրքրվեց․ ՏԵՍԱՆՅՈՒԹ
Քաղաքականություն
24.05.2023 | 11:23
Ազգային ժողովն այսօրվա նիստում քննարկում է Վճռաբեկ դատարանի հակակոռուպցիոն պալատի կոռուպցիոն հանցագործությունների քննության դատական կազմի դատավորի ընտրության հարցը։
Բարձրագույն դատական խորհուրդը դատավորի թափուր տեղի համար առաջադրել է Արմեն Դանիելյանի, Ելիզավետա Դանիելյանի և Արսեն Նիկողոսյանի թեկնածությունները։ Ազգային ժողովը երեք թեկնածուներից պետք է ընտրի մեկ թեկնածու։ ԲԴԽ նախագահի պաշտոնակատար Վիգեն Քոչարյանը ներկայացրեց Արմեն Դանիելյանի թեկնածությունը։
«Քաղաքացիական պայմանագիր» խմբակցության պատգամավոր Արսեն Թորոսյանը Վիգեն Քոչարյանին հարցրեց, էե ինչու ԲԴԽ նախագահ Կարեն Անդրեասյանը չի ներկայացնում այս կարևոր հարցը։
Վիգեն Քոչարյանը պատասխանեց, որ Անդրեասյանը գտնվում է գործուղման մեջ, երկրում չէ․ «Ես հանդիսանում եմ ԲԴԽ նախագահի պարտականությունները ժամանակավոր կատարող, այդ հանգամանքով է պայմանավորված իմ այսօրվա առաքելությունը»։
«Կարևոր է, որ նման գործուղումները չհամընկնեն նման կարևոր հարցերի զեկուցման հետ, որովհետև կարևոր է, որ հենց ԲԴԽ նախագահը դա անի»,- նշեց Թորոսյանը։
Մանրամասները՝ տեսանյութում։
