08.09.2026 | 23:30
Պապիկյանը այցելել է ՊՆ ուսումնական կենտրոն, հրամկազմին տրվել են մի շարք հանձնարարականներ
Քաղաքացիները բողոքներ ու առաջարկներ են ներկայացնում․ օգոստոսի 15-ից գազելներ չեն շահագործվի․ ՏԵՍԱՆՅՈՒԹ
Հասարակություն
23.05.2023 | 17:53
«Մենք քանի որ հայտարարել ենք, որ մինչև աշուն բոլոր նոր ձեռք բերված ավտոբուսները մտնելու են շարժակազմ, քաղաքացիների կողմից ստացել ենք առաջարկներ ու բողոքներ, նաև համացանցում կան այդպիսի բողոքներ և առաջարկներ»,- այս մասին այսօր Երևանի ավագանու նիստում նշեց «Իմ քայլը» խմբակցության ղեկավար Արմեն Գալջյանը։
Նա առաջարկեց մոտակա ժամանակահատվածում երթուղային ցանցի վերաբերյալ գրաֆիկ կազմել և հրապարակել որևէ աղբյուրում․ «Որպեսզի քաղաքացիները իմանան, թե ինչ տրանսպորտային ցանց է նախատեսվում, և իրենց բողոքները ներկայացնեն ոչ թե օգտվելուց հետո, այլ մինչև օգտվելը»։
Գալջյանը նաև նշեց, որ մայիսին նախատեսված էր առանձնացված գծի առաջին փորձարկում իրականացնել և հետաքրքրվեց, թե դրա հետ կապված ինչ նորություն կա։
Երևանի քաղաքապետարանի աշխատակազմի տրանսպորտի վարչության պետի ժամանակավոր պաշտոնակատար։ Վազգեն Հարությունյանը ի պատասխան նշեց, որ արդեն ժամանակացույց կա կազմված՝ երթուղիների փոփոխման վերաբերյալ․ «Առաջին երթուղիները տեսանելի կլինեն հունիսի 1-ից սկսած։ Վերջին փոփոխությունը կկատարվի օգոստոի 15-ին։ 99 տոկոսով երթուղիների ուղեգծերը չեն փոփոխվել, ուղղակի շահագործումն իրականացվելու է նոր ներկրված ավտոբուսներով։ 24 փոփոխված երթուղիների վերաբերյալ կազմված է հստակ գրաֆիկ-ժամանակացույց։ Տեղեկությունն ամբողջությամբ կարող ենք հրապարակել»։
Մանրամասները՝ տեսանյութում։
