14.12.2025 | 21:40
Ոստիկանությունը ձերբակալել է Բրաունի համալսարանում կրակ բացելու մեջ կասկածվողին
Տվյալ դեպքում քեռի չեմ, պատգամավոր եմ․ Հրաչյա Հակոբյանը՝ Աշոտի հետ տեղի ունեցած միջադեպի մասին․ ՏԵՍԱՆՅՈՒԹ
Հասարակություն
23.05.2023 | 17:28
Տվյալ դեպքում որպես քեռի չեմ, որպես պատգամավոր եմ և չեմ ուզում որևէ ձևով միջամտեմ գործի նախաքննությանը: Այս մասին այսօր ԱԺ-ում լրագրողների հետ զրույցում նշեց ԱԺ ՔՊ-ական պատգամավոր Հրաչյա Հակոբյանը՝ անդրադառնալով վարչապետի որդու՝ Աշոտ Փաշինյանի «առևանգման» գործին:
Անդրադառնալով հարցին՝ Ձեզ չի՞ անհանգստացնում Աշոտի հետ կապված իրավիճակը, նա պատասխանեց. «Ոչ հրապարակային ես Աշոտի հետ խոսում եմ, զրուցում եմ, բայց քանի որ գործ ունենք իրավական գործընթացի հետ, չեմ ցանկանում որևէ բան մեկնաբանել, որպեսզի ճնշում չգործադրվի»:
Դիտարկմանը, որ կադրերից երևում է, որ Աշոտն ինքնակամ է գնացել ու նստել զոհված զինծառայողի մոր մեքենան, պատգամավորն արձագանքեց. «Դուք հիմա շարունակում ենք, փորձում եք ինձնից կորզել մեկնաբանություն, որը չեմ անելու»:
Նա չարձագանքեց նաև հարցին, թե արդյո՞ք ճիշտ է համարում զոհված զինծառայողի մոր կալանավորումը:
Հիշեցնենք, որ Արցախյան երրորդ պատերազմում զոհված զինծառայողների հարազատները, նրանց աջակցող քաղաքացիները մայիսի 20-ից անժամկետ նստացույց են անում կառավարության շենքի մոտ՝ պահանջելով ազատ արձակել զոհված զինծառայող Ժորա Մարտիրոսյանի մորը՝ Գայանե Մարտիրոսյանին, ով կալանավորվել է մեկ ամսով «Աշոտ Փաշինյանի առևանգման գործով»։
Մանրամասները՝ տեսանյութում։
