19.02.2026 | 16:35
ԱՄՆ-ը սկսել է Սիրիայից դուրս բերել իր վերջին զորքերը. WSJ
Բաքուն կազմակերպել է ԵԱՀԿ ԽՎ ներկայացուցիչների այցը Կովսական
Քաղաքականություն
23.05.2023 | 15:24
Ադրբեջանի իշխանությունները շարունակում են քարոզչական այցեր կազմակերպել Արցախի գրավյալ շրջաններ։ Այս անգամ էլ կազմակերպվել է ԵԱՀԿ Խորհրդարանական վեհաժողովի ներկայացուցիչների այցը Կովսական։ Նրանք այնտեղ ծանոթանալու են մի շարք ծրագրերի։
ԵԱՀԿ ԽՎ ներկայացուցիչների համար հատուկ շնորհանդեսով է հանդես գալու Ադրբեջանի նախագահի հատուկ ներկայացուցիչ Վահիդ Հաջիևը։
Հիշեցնենք, որ մայիսի 22-ին Բաքվում ԵԱՀԿ ԽՎ ներկայացուցիչների մասնակցությամբ տեղի ունեցել համաժողով՝ «Ազգային խորհրդարանների դերը կանաչ տնտեսության, տրանսպորտի համակարգման և կայուն զարգացման միջոցով անվտանգության և կայունության խթանման գործում» թեմայով։ Համաժողովին մասնակցել ու հիմա Կովսական են այցելել ԵԱՀԿ ԽՎ նախագահ Մարգարետա Սեդերֆելտը, Չեռնոգորիայի խորհրդարանի նախագահ Դանիելա Ջուրովիչը, ԵԱՀԿ ԽՎ գլխավոր քարտուղար Ռոբերտո Մոնտելլան և այլք։
Էմմա Չոբանյան
