16.01.2026 | 11:17
Ուկրաինան չի եղել և չի լինի խաղաղության խոչընդոտ. Զելենսկին արձագանքել է Թրամփին
Աֆրիկայում առաջարկում են Ուկրաինայի հարցով բանակցություններ սկսել՝ մինչև ռուսական զորքերի դուրսբերումը
Քաղաքականություն
23.05.2023 | 16:51
Աֆրիկյան վեց երկրների ղեկավարները կարծում են, որ Ուկրաինան պետք է խաղաղ բանակցություններ սկսի Ռուսաստանի հետ՝ նույնիսկ իր տարածքում ռուսական զորքերի առկայության դեպքում։ Նման կարծիք է հայտնել Հարավաֆրիկյան Հանրապետության նախագահ Սիրիլ Ռամաֆոսան իր երկրի պատվիրակության՝ Մոսկվա և Կիև մեկնելու նախօրեին, հայտնում է Reuters-ը։
«Նախ՝ ռազմական գործողությունների դադարեցում, ապա՝ կայուն խաղաղության համար շրջանակային պայմանների ստեղծում»,- ասել է ՀԱՀ նախագահի ներկայացուցիչ Վինսենթ Մագվենյուն։
Կիևի դիրքորոշումն այն է, որ անհնար է խաղաղ բանակցություններ սկսել Մոսկվայի հետ, քանի դեռ ռուս զինվորականները գտնվում են Ուկրաինայի տարածքում։ Մինչդեռ Կրեմլը պահանջում է ճանաչել Ռուսաստանի ինքնիշխանությունն Ուկրաինայի Ղրիմի թերակղզու նկատմամբ, որը բռնակցվել է 2014 թվականին, հիշեցնում է Reuters-ը։
Հիշեցնենք, որ Սիրիլ Ռամաֆոսան մայիսի 16-ին հայտարարել էր Ուկրաինայում խաղաղ կարգավորման աֆրիկյան երկրների նախաձեռնության մասին։ Այն գլխավորում է Սենեգալի նախագահ Մակի Սալը։
Տաթև Ֆռանգյան
