16.01.2026 | 16:36
AntiFake-ն ակցիա իրականացրեց ԲԴԽ շենքի դիմաց․ ՏԵՍԱՆՅՈՒԹ
Ուկրաինայում պատերազմը թևակոխում է կրիտիկական փուլ. Մեծ Բրիտանիայի վարչապետ
Քաղաքականություն
23.05.2023 | 13:52
Ուկրաինայի դեմ Ռուսաստանի պատերազմը թևակոխում է կրիտիկական փուլ։ Այս մասին հայտարարել է Մեծ Բրիտանիայի վարչապետ Ռիշի Սունակը՝ ելույթ ունենալով խորհրդարանում G7-ի գագաթնաժողովից հետո, հայտնում է Sky News-ը։
Նա հայտարարել է, որ ողջունում է արտահանման նկատմամբ սահմանափակումների ավելացումը՝ նկատի ունենալով Մեծ Բրիտանիայի կողմից գագաթնաժողովի օրերին լրացուցիչ պատժամիջոցների սահմանումը։
«Ռուս զինվորականները ձախողվում են մարտի դաշտում, նրանց ներքին տնտեսությունը չունի հաջողություն, իսկ խեղդող պատժամիջոցներն ավելի ու ավելի շատ են»,- ասել է Սունակը:
Մեծ Բրիտանիայի վարչապետը նաև ընդգծել է, որ Արևմուտքն Ուկրաինայի կողքին է, «ազատությունը պետք է հաղթի»։
«Պուտինը պետք է իմանա, որ մենք չենք նահանջելու»,- հավելել է նա։
Սունակը նաև վերահաստատել է Միացյալ Թագավորության աջակցությունն Ուկրաինային։
Տաթև Ֆռանգյան
