11.01.2025 | 20:13
Կրակը Գլենդելից հեռու է. քաղաքապետը մանրամասներ է ներկայացրել
ՆԱՏՕ-ն Ուկրաինայի հետ սպառազինության մատակարարման պայմանագիր կկնքի․ WSJ
Քաղաքականություն
23.05.2023 | 11:46
ՆԱՏՕ-ի երկրները Ուկրաինայի հետ պայմանագրի նախագիծ են մշակում, որով Կիևը երկարաժամկետ հիմունքներով արևմտյան զենք և ռազմական տեխնոլոգիաներ կստանա, The Wall Street Journal-ին (WSJ) տված հարցազրույցում ասել է Լեհաստանի նախագահ Անջեյ Դուդան։ «Ռուսաստանն այսօր պետք է հասկանա, որ Ուկրաինան ստացել է անվտանգության երաշխիքներ, և այդ երաշխիքները շուտ չեն ավարտվի»,- հայտարարել է նա։ Ինչպես գրում է պարբերականը՝ ԱՄՆ նախագահ Ջո Բայդենը և այլ արևմտյան առաջնորդներ ասել են, որ ՆԱՏՕ-Ուկրաինա հարաբերությունները կարող են կառուցվել անվտանգության ոլորտում ԱՄՆ-Իսրայել հարաբերությունների օրինակով:
Ներկայումս ԱՄՆ-ի և Իսրայելի միջև կա համաձայնագիր, որը նախատեսում է տասը տարվա ընթացքում ամերիկյան զենքի բազմամիլիարդանոց առաքում Իսրայելին: Միաժամանակ, դա չի ենթադրում, որ արտաքին ագրեսիայի դեպքում Վաշինգտոնը պարտավորվում է Իսրայելին օգնություն ցուցաբերել։
The Wall Street Journal-ը, հղում անելով Սպիտակ տան ներկայացուցչին, հայտնում է, որ արևմտյան դաշնակիցները փորձում են Ուկրաինայի հետ աշխատելու բանաձև մշակել՝ Ուկրաինային անվտանգության երկարաժամկետ աջակցություն տրամադրելու համար, քանի որ նրանք ելնում են այն մոտեցումից, որ Ուկրաինան, ըստ երևույթին, առաջիկա տարիներին չի դառնա ՆԱՏՕ-ի անդամ։
