16.01.2026 | 13:12
Ալեն Սիմոնյանի ճեպազրույցը. ՈւՂԻՂ
Բախմուտում ռուսները վտանգավոր դրության մեջ են հայտնվել․ ISW
Քաղաքականություն
23.05.2023 | 11:00
Պատերազմի ուսումնասիրման ամերիկյան կենտրոնը իր հերթական ամփոփագրում նշում է, որ ռուսական զինված խմբավորումները, վերցնելով Բախմուտը, այնտեղ հայտնվել են վտանգավոր դրության մեջ, սակայն ռուսական քարոզչամեքենան ու ռազմական բլոգերները չեն խոսում այդ մասին, այլ տոնում են քաղաքի գրավումը։
ISW վերլուծաբանները գրում են․ «Բախմուտում հաղթանակի մասին պնդումների նկատմամբ չափազանցված ուշադրությունը շեղում է ուշադրությունը այն անորոշ իրավիճակից, որում ռուս զինվորականները հայտնվել են Բախմուտում և դրա շրջակայքում։ Քաղաքում ռուս զինվորականները խոցելի դիրքերում են, քանի որ նրանց հարձակումը այդ շրջանում, ամենայն հավանականությամբ, ավարտվել է, ինչը ուկրաինական բանակին նոր հակագրոհների հնարավորություն է տալիս արդեն թուլացած թևերի դեմ»:
Ըստ պատերազմի ուսումնասիրման ամերիկյան կենտրոնի՝ ռուսների համար լրացուցիչ ռիսկ է մի քանի օրվա ընթացքում Բախմուտից իր ստորաբաժանումները թիկունք դուրսբերելու մասին «Վագներ» ռազմականացված խմբավորման հիմնադիր Եվգենի Պրիգոժինի հայտարարությունը։
Եթե վագներականները հեռանան, Ռուսաստանի պաշտպանության նախարարությունը կարող է ստիպված լինել այս հատվածը պահել վատ պատրաստված և վատ զինված սովորական ստորաբաժանումներով, ինչպես դա արվում է քաղաքի հյուսիսում և հարավում:
