06.06.2026 | 21:21
Եղիշե Մելիքյանը՝ Ղազախստանի հավաքականի հետ ոչ-ոքիի մասին․ ՏԵՍԱՆՅՈՒԹ
Իսրայելը ձգտում է «գերտերություն» դառնալ արհեստական բանականության օգնությամբ․ երկրի ՊՆ
Քաղաքականություն
22.05.2023 | 22:01
Իսրայելի Պաշտպանության նախարարության գործադիր տնօրենը հայտարարել է, որ Իսրայելը նպատակ ունի օգտագործել իր տեխնոլոգիական առաջընթացը, որպեսզի դառնա «գերտերություն» արհեստական բանականության (AI) կիրառման ոլորտում, այդ թվում՝ ռազմական նպատակներով։ Այս մասին հայտնում է Reuters-ը։
«Արհեստական բանականության արագ զարացմանն ուղղված քայլերն իրենց մեջ ներառում են նախարարությունում ռազմական ռոբոտաշինության հատուկ կազմակերպության ստեղծումը և ռեկորդային բարձր բյուջե այս տարի՝ հարակից հետազոտությունների և զարգացման համար»,- ասել է բանակի պաշտոնաթող գեներալ Էյալ Զամիրը։
Նա GPT-ն (Generative Pretrained Transformer) և AGI-ը (Artificial General Intelligence) անվանել է խորը հետազոտության ոլորտներ, որոնց ուղղությամբ աշխատում են քաղաքացիական AI արդյունաբերությունները, և որոնք ժամանակի ընթացքում կարող են ռազմական կիրառում ունենալ:
«Կան մարդիկ, ովքեր արհեստական բանականությունը համարում են հաջորդ հեղափոխությունը, որը կփոխի պատերազմի դեմքը մարտի դաշտում»,- ասել է Զամիրը:
Նրա խոսքով՝ առաքելությունն է՝ Իսրայելը դարձնել «արհեստական բանականության գերտերություն և դառնալ այս ակումբում ընդգրկված շատ սահմանափակ թվով համաշխարհային պետությունների ղեկավար»։
Տաթև Ֆռանգյան
