06.06.2026 | 21:21
Եղիշե Մելիքյանը՝ Ղազախստանի հավաքականի հետ ոչ-ոքիի մասին․ ՏԵՍԱՆՅՈՒԹ
Ադրբեջանի ԱԳՆ պատվիրակությունն ԱՄՆ-ում բողոքել է Հայաստանից՝ մեղադրելով «Լաչինի միջանցքի մասին կեղծիքներ տարածելու մեջ»
Քաղաքականություն
22.05.2023 | 18:53
Ադրբեջանի ԱԳ փոխնախարար Էլնուր Մամեդովն այցով գտնվում է ԱՄՆ-ում։ Ադրբեջանի ԱԳՆ-ն հայտնում է, որ մայիսի 18-ին պատվիրակությունը հանդիպումներ է ունեցել Սենատի անդամներ Թոմ Քոթոնի և Բեն Քարդինի, ինչպես նաև կոնգրեսականներ Ջեք Բերգմանի, Ջեք Ֆլեյշմանի, Մայքլ Էզելի ու Ռոբերտ Ադերհոլտի հետ։
Նշվում է, որ կողմերը քննարկել են երկկողմ հարաբերությունները, տարածաշրջանային գործընթացները, ինչպես նաև Ադրբեջանի և Հայաստանի միջև խաղաղ բանակցությունները։
Հանդիպումների ընթացքում Բաքուն բողոքել է Հայաստանից՝ նշելով, թե «հայկական կազմակերպությունները կեղծ ու անհիմն տեղեկություններ են ներկայացնում Կոնգրեսի անդամներին Լաչինում անցակետի տեղադրման վերաբերյալ», ինչպես նաև Կոնգրեսի անդամների կողմից այս թեմայի վերաբերյալ, իբր, «կանխակալ և ազգային շահերին չսպասարկվող բանաձևերի ներկայացումը վնասում է երկրների միջև հարաբերություններին ու խաղաղության բանակցություններին»։
Պատվիրակությունն այցելել է նաև ԱՄՆ-Ադրբեջան Առևտրի պալատ, հանդիպել Կոլումբիայի Դաշնային շրջանում և հարակից նահանգներում բնակվող ադրբեջանական համայնքների ներկայացուցիչների հետ։ Բացի այդ, ադրբեջանական պատվիրակությունը հանդիպումներ է ունեցել Նյու Յորքի քաղաքապետարանի արտաքին հարաբերությունների հանձնաժողովի նախագահ Էդվարդ Մերմելշտեյնի, ինչպես նաև տեղի ադրբեջանական համայնքի ներկայացուցիչների հետ։
Ադրբեջանի պատվիրակության այցը ԱՄՆ շարունակվելու է մինչև մայիսի 24-ը։
Էմմա Չոբանյան
