23.11.2024 | 00:35
Թրամփի հետ հեռախոսազրույցը տեղեկատվական էր, բայց նաև շատ պոզիտիվ. Փաշինյան. ՏԵՍԱՆՅՈՒԹ
Մխիթարյանն իրավամբ հայտնվել է հայկական ֆուտբոլի լեգենդների ցանկում․ Միրզոյան
22.05.2023 | 17:08
Մոսկվայի «Սպարտակի» նախկին ֆուտբոլիստ Ալեքսանդր Միրզոյանը Հենրիխ Մխիթարյանին անվանել է հայկական ֆուտբոլի լեգենդ ու խոսել «Կրասնոդարի» կիսապաշտպան Էդուարդ Սպերցյանի հեռանկարների մասին․ գրում է armsport-ը։
Մխիթարյանը, հանդես գալով «Ինտերում», դարձավ առաջին հայ ֆուտբոլիստը, ով դուրս եկավ Չեմպիոնների լիգայի եզրափակիչ։
«Հենրիխ Մխիթարյանը բարձրակարգ խաղացող է։ Նա խաղացել է թոփ թիմերում, որոնք միշտ պայքարում են Չեմպիոնների լիգայի համար։ Նա այժմ 34 տարեկան է, և խաղում է հիմնական կազմում։ Այսպիսով, սա գերբարձրակարգ ֆուտբոլիստ է։ Նա իրավամբ հայտնվել է հայկական ֆուտբոլի լեգենդների ցանկում։
Օրինակ, Սպերցյանին պետք է նախ դրսևորել իրեն, որպեսզի մոտենա Մխիթարյանի մակարդակին։ Մեզ մոտ Զախարյանն էլ է փայլատակել, բայց այս տարի դեռ բացթողումներ ունի։
Հետագայում Էդուարդը պետք է ձգտի հաջողության հասնել: Եթե Սպերցյանն ավելի շարժուն լիներ, իսկ կողքին այլ խաղացողներ լինեին, ապա «Կրասնոդարը» կպայքարեր մրցանակային տեղերի համար։
Ուստի և՛ Մխիթարյանին, և՛ Սպերցյանին մաղթում եմ երկար ժամանակ ֆուտբոլ խաղալ»,- Sport24-ի թղթակցի հետ զրույցում ասել է Միրզոյանը։
