08.10.2026 | 09:59
Կառավարության նիստը՝ ՈՒՂԻՂ
Չինաստանը հրաժարվել է հացահատիկ գնել Ռուսաստանից․ Bloomberg
Քաղաքականություն
22.05.2023 | 22:27
Չինաստանը հրաժարվել է հացահատիկ գնել Ռուսաստանի Դաշնությունից: Նշվում է, որ Չինաստանը շատ ցորեն է գնում, ընդ որում՝ ընդհանուր ներմուծումը տարեկան կտրվածքով ավելացել է ավելի քան 60%-ով և կազմել մոտ վեց միլիոն տոննա տարվա առաջին չորս ամիսներին: Դրանցից Ռուսաստանին բաժին է ընկնում 30 հազար տոննան, գրում է Bloomberg-ը։
Անցյալ տարի Պեկինը հայտարարել է, որ թույլ կտա ներմուծումը Ռուսաստանից, սակայն առևտուրը խոչընդոտվում է մի շարք, այդ թվում՝ բուսասանիտարական կանոնակարգերի և տրանսպորտային խնդիրների պատճառով:
Ցորենը բացառություն է Չինաստանի և Ռուսաստանի միջև առևտրի համար։ Պեկինի կողմից էլեկտրաէներգիայի և ալյումինի գնումները կտրուկ աճել են, քանի որ պատժամիջոցները կրճատել են Արևմուտքի մատակարարումները:
Ռուսաստանի գյուղատնտեսության նախարար Դմիտրի Պատրուշևն ասել է, որ ցորենի և մսի առաջիկա մատակարարումները, ամենայն հավանականությամբ, կլինեն օրակարգում, երբ ռուս պաշտոնյաներն այս շաբաթ ներկա գտնվեն Չինաստանում կայանալիք բիզնես ֆորումին:
Տաթև Ֆռանգյան
