07.06.2026 | 00:08
Ձերբակալվել է Բյուրական համայնքի նախկին ղեկավար Զարզանդ Գրիգորյանը
Ուկրաինան դժվար թե «տեսանելի ապագայում» անդամակցի ՆԱՏՕ-ին. Շոլց
Քաղաքականություն
22.05.2023 | 17:34
Գերմանիայի կանցլեր Օլաֆ Շոլցը կարծում է, որ Ուկրաինան դժվար թե «տեսանելի ապագայում» անդամակցի ՆԱՏՕ-ին։ Այդ մասին նա հայտարարել է Welt-ին տված հարցազրույցում։
Գերմանացի գործչին հարցրել են, թե տեսականորեն կաջակցի՞ Ուկրաինայի անդամակցությանը դաշինքին Ռուսաստանի Դաշնության կողմից սանձազերծած պատերազմի ավարտից հետո։
«2008 թվականին Բուխարեստում ՆԱՏՕ-ն որոշումներ է ընդունել, որոնք երկարաժամկետ հեռանկար են ձևակերպում: Բոլորը հասկանում են, որ տեսանելի ապագայում դա տեղի չի ունենա»,- պատասխանեց Շոլցը:
Նա հավելել է, որ դաշինքի չափանիշները ներառում են մի շարք պայմաններ, որոնք «Ուկրաինան դեռ չի կարող կատարել»։
Ըստ կանցլերի՝ այժմ խոսքն Ուկրաինային աջակցելու մասին է, իսկ հետո ստիպված կլինի խոսել անվտանգության երաշխիքների մասին։
«Անվտանգության այս երաշխիքները ներառում են այն հարցը, թե որքանով ենք մենք զինելու Ուկրաինան ապագայում, պատերազմից հետո Ուկրաինան կհամալրվի արևմտյան արտադրության զենքով։ Հասկանալի է նաև, որ ավելի ուշ պետք է քննարկել, թե հետպատերազմյան իրավիճակում անվտանգության ինչ երաշխիքներ կարող են տրամադրվել։ Բայց մենք դեռ այդտեղ չենք: Այժմ մենք պետք է կենտրոնանանք այն ամենի վրա, ինչ մեզ սպասում է»,- ասել է Շոլցը։
Տաթև Ֆռանգյան
