27.06.2026 | 01:34
5.5 մլրդ դոլար. աշխարհի ամենաթանկ ստադիոնում ԱՄՆ-Թուրքիա հանդիպման ետնաբեմը Factor TV-ի թղթակցի աչքերով
Բելառուսում ներում է շնորհվել Nexta-ի նախկին գլխավոր խմբագիր Ռոման Պրոտասևիչին
Քաղաքականություն
22.05.2023 | 16:59
Բելառուսում ներում է շնորհվել Nexta-ի նախկին գլխավոր խմբագիր Ռոման Պրոտասևիչին։ Այս մասին լրագրողներին ասել է ինքը՝ Պրոտասևիչը, գրում է Բելառուսի պետական ԲԵԼՏԱ գործակալությունը։
Մայիսի սկզբին Մինսկի դատարանը Պրոտասևիչին դատապարտել է ութ տարվա ազատազրկման։ Լրագրողներն այնուհետև ուշադրություն հրավիրեցին այն փաստի վրա, որ Բելառուսի իշխանությունների հետ համագործակցող Պրոտասևիչին դատարանի դահլիճում կալանքի տակ չեն վերցրել։
Նրա նախկին ընկերուհին՝ Սոֆյա Սապեգան, վեց տարվա ազատազրկման է դատապարտվել է պատիժը կրում է գաղութում։
Պրոտասևիչի գործը սկսվեց սկանդալով՝ այն բանից հետո, երբ 2021 թվականի մայիսի 23-ին Աթենքից Վիլնյուս թռչող Ryanair ինքնաթիռը հարկադրված վայրէջք կատարեց Մինսկում։ Ինքնաթիռի ուղևորների թվում էին Ռոման Պրոտասևիչը և նրա այն ժամանակվա ընկերուհի Սոֆյա Սապեգան։ Երկուսն էլ բերման են ենթարկվել և ձերբակալվել։
Դրան ի պատասխան՝ Մեծ Բրիտանիան և ԵՄ-ն արգելեցին բելառուսական ինքնաթիռներին թռչել իրենց տարածքով, իսկ եվրոպական ընկերությունների ինքնաթիռները սկսեցին թռչել՝ շրջանցելով Բելառուսը։
Տաթև Ֆռանգյան
