07.10.2026 | 23:48
Արթուր Դանիելյանը կալանավորվեց
Պրիգոժինը հայտարարել է, որ «Վագները» մինչև հունիսի 1-ը դուրս է գալու Բախմուտից
Քաղաքականություն
22.05.2023 | 16:50
Ռուսական «Վագներ» մասնավոր ռազմական խմբավորման հիմնադիր Եվգենի Պրիգոժինը հայտարարել է, որ խմբավորման ստորաբաժանումները «մաքրելու են Բախմուտը» հինգ օրվա ընթացքում, որից հետո մինչև հունիսի 1-ն այն հանձնելու են ՌԴ ՊՆ ստորաբաժանումներին և գնալու են թիկունք՝ վերակազմավորման ու վերազինման համար, գրում է BBC-ի ռուսական ծառայությունը։
«Այդ պատճառով մենք չեն գնում Խրոմովո, չենք գնում Իվանովսկոյե, մենք հանձնում ենք մեր դիրքերը և 25-ին լքում ենք մարտական գոտին։ Հունիսի 1-ից «Վագների» որևէ մարտիկ առաջնագծում չի լինելու՝ մինչև մենք կանցնենք վերակազմավորում և վերազինում և լրացուցիչ պատրաստություն»,- ասել է Պրիգոժինը։
Նա հավելել է, որ Խրոմովոն և Իվանովսկոյեն (բնակավայրեր Բախմուտի շրջանում) «գրոհելու են ՌԴ Պաշտպանության նախարարության ստորաբաժանումները»։
Նշենք, որ շաբաթ «Վագները» հայտարարել էր, թե ամբողջությամբ գրավել է Բախմուտը, սակայն Ուկրաինայի Զինված ուժերը հերքում են դա։ Ուկրաինայի ԶՈՒ արևելյան խմբավորման խոսնակ Սերգեյ Չերևատին էլ BBC-ին ասել է, որ ուկրաինական ուժերը դեռևս մնում են Բախմուտում և մտադիր են պաշտպանել այն։
Էմմա Չոբանյան
