24.11.2024 | 21:56
Միակն ու անկրկնելին. ՀՀ-ում Ֆրանսիայի դեսպանի արձագանքը՝ Ադրբեջանի տարածքային պահանջներին
Բելառուսում մեկնարկել է ընդդիմադիր առաջնորդ Բաբարիկոյի որդու դատավարությունը
Քաղաքականություն
22.05.2023 | 16:06
Մինսկի շրջանային դատարանում այսօր մեկնարկել է Բելառուսի նախագահի նախկին թեկնածու Վիկտոր Բաբարիկոյի որդու՝ Էդուարդ Բաբարիկոյի գործով դատավարությունը։ Էդուարդը հոր նախաձեռնող խմբի ղեկավարն էր, երբ անհաջող փորձեց գրանցվել որպես նախագահի թեկնածու, գրում է DW-ի ռուսական ծառայությունը։
Էդուարդ Բաբարիկոն մեղադրվում է Բելառուսի Քրեական օրենսգրքի միանգամից չորս հոդվածներով՝ զանգվածային անկարգություններ կազմակերպելու, հարկերից և տուրքերից խուսափելու, հանցագործությունից եկամուտներն օրինականացնելու, ինչպես նաև ատելություն կամ տարաձայնություն հրահրելու մեջ։
Իրավապաշտպաններն այս մեղադրանքները համարում են քաղաքական դրդապատճառներ և Բաբարիկո ավագի վրա ճնշում գործադրելու միջոց։
Հայր և որդի Բաբարիկոները բերման են ենթարկվել 2020 թվականի հունիսի 18-ին։ 2021 թվականի հուլիսին Վիկտոր Բաբարիկոն դատապարտվել է 14 տարվա ազատազրկման։ Դատարանը նրան մեղավոր է ճանաչել առանձնապես խոշոր չափերով կաշառք վերցնելու և հանցագործ ճանապարհով ստացված եկամուտները լվանալու համար։
Տաթև Ֆռանգյան
