14.08.2026 | 23:22
Հուլիսին Ուկրաինայում զոհվել է առնվազն 437 խաղաղ բնակիչ՝ ամենաբարձր ցուցանիշը 2022-ից ի վեր. ՄԱԿ
Ալիևը Հայաստանի հետ բանակցություններում դրական արդյունքի հույս է հայտնել
Քաղաքականություն
22.05.2023 | 14:26
Ադրբեջանի նախագահ Իլհամ Ալիևը Վիլնյուսում Լիտվայի նախագահի հետ բանակցություներից հետո հույս է հայտնել, որ Ադրբեջանի և Հայաստանի միջև խաղաղության պայմանագրի կնքման շուրջ բանակցությունները դրական արդյունք կունենան։
«Հուսով ենք, որ բանակցությունները վերջնարդյունքում կհանգեցնեն Հարավային Կովկասում կայուն խաղաղության»,- ասել է Ալիևը՝ միաժամանակ Հայաստանի հասցեին անհիմն մեղադրանքներ հնչեցնելով։
Նա նշել է, որ Լիտվայի նախագահի հետ բանակցությունների ընթացքում քննարկել է Ադրբեջանի և Հայաստանի միջև խաղաղության պայմանագրի շուրջ բանակցությունները, ինչպես նաեւ տարածաշրջանային հարցեր։ Ալիևը հայտարարել է, որ, իբր, «Բաքուն ամեն ինչ անում է հարաբերությունները կարգավորելու համար, կառուցողական ջանքեր է գործադրում»՝ նշելով, որ Ադրբեջանի և Հայաստանի միջև խաղաղ պայմանագիրն անխուսափելի է և պետք է համապատասխանի միջազգային իրավունքի նորմերին ու սկզբունքներին։
Լիտվայի նախագահ Գիտանաս Նաուսեդան էլ հայտարարել է, որ աջակցում են Հայաստան-Ադրբեջան հարաբերությունների կարգավորմանը։
«Լիտվան հակամարտության խաղաղ և համապարփակ կարգավորման կողմնակիցն է՝ դիվանագիտական միջոցներով։ Այդ նպատակով Լիտվան վճռականորեն աջակցում է Եվրամիության և մեր անդրատլանտյան դաշնակիցների ջանքերին»,- ասել է Նաուսեդան։
Էմմա Չոբանյան
